https://xeberim.info.az/ az Cəmiyyət - Xeberim.info.az İnformasiya Agentliyi DataLife Engine https://xeberim.info.az/cemiyyet/29419-sabah-31-drc-isti-olacaq.html https://xeberim.info.az/cemiyyet/29419-sabah-31-drc-isti-olacaq.html ]]>

Bakıda və Abşeron yarımadasında iyunun 4-də hava şəraitinin dəyişkən buludlu olacağı, əsasən yağmursuz keçəcəyi gözlənilir.

Milli Hidrometeorologiya Xidmətindən verilən məlumata görə, şimal-qərb küləyi səhər cənub-şərq küləyi ilə əvəz olunacaq.

Havanın temperaturu gecə 12-16° isti, gündüz 22-27° isti olacaq. Atmosfer təzyiqi 762 mm civə sütunu, nisbi rütubət isə gecə 65-75 %, gündüz 50-55 % təşkil edəcək.

Azərbaycanın rayonlarında havanın əsasən yağmursuz keçəcəyi, lakin gündüz bəzi dağlıq və dağətəyi rayonlarda arabir yağıntılı olacağı gözlənilir. Ayrı-ayrı yerlərdə qısamüddətli intensivləşəcəyi, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Şərq küləyi bəzi yerlərdə arabir güclənəcək.

Havanın temperaturu gecə 14-18° isti, gündüz 26-31° isti, dağlarda gecə 7-12° isti, gündüz 15-20°, bəzi yerlərdə 24-26° isti olacaq.

]]> xeber Wed, 03 Jun 2026 16:00:15 +0300 https://xeberim.info.az/cemiyyet/29420-mcburi-kkn-statusu-qanunvericilikd-bel-tnzimlnck.html https://xeberim.info.az/cemiyyet/29420-mcburi-kkn-statusu-qanunvericilikd-bel-tnzimlnck.html ]]>

"Qaçqınların və məcburi köçkünlərin statusu haqqında" Qanuna təklif olunan dəyişikliyə əsasən, məcburi köçkün statusunun itirilməsi halları konkretləşdiriləcək.

Bunu Milli Məclisin Əmək və sosial siyasət, İnsan hüquqları və Hüquq siyasəti və dövlət quruculuğu komitələrinin birgə iclasında komitə sədri Musa Quliyev deyib.

O bildirib ki, yeni təklifə əsasən, şəxs yaşadığı regionda müəyyənləşdirilmiş ölçüdə başqa yaşayış yeri ilə, əvvəlki yaşayış yerinin əvəzinə təmin ediləcək, bununla da dövlət tərəfindən yeni yaşayış sahəsinin verilməsi vətəndaşın mülkiyyət hüququnun tam bərpasına xidmət edəcək.

Həmçinin sözügedən qanuna təklif olunan dəyişikliyə görə, şəxs dövlət tərəfindən təklif olunan həmin yaşayış yerindən imtina etdikdə məcburi köçkün statusunu itirəcək.

Komitə sədri qeyd edib ki, layihədə sosial müdafiə tədbirlərinin müddətinə də aydınlıq gətirilir. Mövcud üç illik güzəşt müddətinin hesablanması şəxsin statusunu itirdiyi və ya mənzildən imtina etdiyi tarixdən müəyyən ediləcək.

Bundan başqa, "Məcburi köçkünlərin və onlara bərabər tutulan şəxslərin sosial müdafiəsi haqqında" Qanunun 5-ci maddəsinə təklif olunan dəyişikliyə əsasən, məcburi köçkünlərin köçürülməsi mexanizmi də dəyişdirilir.

Yeni qaydalara əsasən, dövlət öhdəliyi yaşayış sahəsinin təklif edilməsi ilə icra olunmuş hesab ediləcək. Bununla da həm məcburi köçkünlərin mənzil hüquqları, həm də üçüncü şəxslərin maraqları arasında balans təmin olunacaq.

aia.az

]]> xeber Wed, 03 Jun 2026 12:39:18 +0300 https://xeberim.info.az/cemiyyet/29417-uaqlara-veriln-birdflik-mavintl-bal-rsm-mlumat.html https://xeberim.info.az/cemiyyet/29417-uaqlara-veriln-birdflik-mavintl-bal-rsm-mlumat.html ]]>

Bu ilin yanvar-may aylarında Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu 34 470 nəfərə uşağın anadan olmasına görə proaktiv qaydada birdəfəlik müavinət ödənişi edib.

Bu barədə Fonda xəbər verir.

Məlumata görə, müavinət ödənişləri 16 044 nəfər qız, 18 426 nəfər oğlan uşağına görə aparılıb.

]]> xeber Wed, 03 Jun 2026 11:15:15 +0300 https://xeberim.info.az/cemiyyet/29416-uada-535-abonent-v-30-istehlak-su-il-tchiz-edilib.html https://xeberim.info.az/cemiyyet/29416-uada-535-abonent-v-30-istehlak-su-il-tchiz-edilib.html ]]>

Azərbaycan Dövlət Su Ehtiyatlar Agentliyi (ADSEA) Şuşa şəhərində 535 abonenti və 30 istehlakçını su ilə təchiz edib.

"Report" xəbər verir ki, bu barədə qurumun təşkil etdiyi mediaturda məlumat verilib.

Bildirilib ki, şəhərin su təchizatı Kiçik Kirs dağı və Zarıslı ərazisində yerləşən mənbələr hesabına həyata keçirilir. Su şəhərə ümumi uzunluğu 21 kilometrdən artıq olan magistral su kəmərləri vasitəsilə çatdırılır. Şəhər ərazisində ümumi tutumu 2 800 kubmetr olan su anbarları fəaliyyət göstərir. Hazırda 34,5 km uzunluğunda su, 27,5 km uzunluğunda isə kanalizasiya şəbəkəsi istismar olunur. Şuşada gündəlik məhsuldarlığı 5 min kubmetr olan sutəmizləyici qurğu yenidən qurularaq istifadəyə verilib.

Tullantı suları şəhər ərazisindən dərələrə axıdılaraq Daşaltı çayına yönləndirilir. "Böyük Qayıdışa dair I Dövlət Proqramı"na əsasən Şuşa şəhərinə 368 ailə, Böyük Qaladərəsi kəndinə isə 14 ailə köçürülüb.

]]> xeber Wed, 03 Jun 2026 11:06:21 +0300 https://xeberim.info.az/cemiyyet/29413-alternativ-ua-yolu-istifady-verildi.html https://xeberim.info.az/cemiyyet/29413-alternativ-ua-yolu-istifady-verildi.html ]]>

Əhmədbəyli–Füzuli–Şuşa avtomobil yolu ödənişli yol kimi artıq istifadədədir.

Bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, qanunvericiliyin tələblərinə əsasən, dövlət standartlarına cavab verən ödənişsiz alternativ yolun mövcud olduğu hallarda vətəndaşlara seçim imkanı yaradılmaqla ödənişli avtomobil yolunun istismarı mümkündür. Bu baxımdan, sözügedən marşrut üzrə Zəfər Yolu ödənişsiz alternativ yol funksiyasını yerinə yetirir.

Beləliklə, hərəkət iştirakçıları öz seçimlərindən asılı olaraq həm ödənişli Əhmədbəyli–Füzuli–Şuşa avtomobil yolundan, həm də ödənişsiz alternativ marşrut olan Zəfər Yolundan istifadə edə bilərlər.

]]> xeber Wed, 03 Jun 2026 10:31:46 +0300 https://xeberim.info.az/cemiyyet/29410-lkmiz-gln-turistlrin-say-niy-azalb.html https://xeberim.info.az/cemiyyet/29410-lkmiz-gln-turistlrin-say-niy-azalb.html ]]>

Rəsmi statistikaya əsasən, 2026-cı ilin ilk 4 ayında Azərbaycana 658,5 min turist gəlib. Bu əvvəlki ilin eyni dövrü ilə müqayisədə 10.5 faiz azlama deməkdir.

Bəs, ölkəmizə gələn turistlərin sayı niyə azalıb?

Milli Məclisin deputatı Vüqar Bayramovun sözlərinə görə, Azərbaycana gələn turistlərin sayının azalmasının bir sıra obyektiv səbəbləri olsa da belə ənənəvi faktorlar da qalmaqdadır:

"Belə ki, ölkəyə gələn turistlərin mənşə ölkə strukturundakı çağrışlar ümumi gələnlərin sayına təsir göstərir. Doğrudur, hələ də Azərbaycana gələn turistlərin təxminən yarısı 2 ölkənin payına düşür. Həmin müddətdə Azərbaycana gələn hər 100 nəfərin 27-si Rusiya, 22-si isə Türkiyə vətəndasları olublar. Bununla yanaşı, əvvəlki ilin ilk 4 ayında Azərbaycana gələn turistlərin 11 faizi Hindistanın payına düşümdürsə, indi bu göstərici 3 faizədək azalıb. Deməli, gəlmə turizm bazarlarının şaxələndirilməsi və dayanıqlığının gücləndirilməsi prioritet olaraq qalmaqdadır.

İran müharibəsinin regiona ölkələrinə gələn turistlərin sayına təsirlərinə gəldikdə isə, sözügedən müddətdə münaqişə Azərbaycan və Gürcüstana gələn turistlərin sayında özündə göstərib. Belə ki, Gürcüstana gələn turistlərin sayı bu ilin ilk rübündə 4 faiz artmışdırsa, ilk 4 ayda cüzi olsa da azalma qeydə alınıb. Bu da birbaşa İrandan gələn turistlərin sayının 49 faiz azalması ilə bağlıdır. Həmin müddətdə qonşu ölkəyə Hindistandan gələn turistlərin sayında da 29.5 faiz azalma qeydə alınıb.

Hesabat dövründə Azərbaycana Avropa İttifaqına üzv ölkələrdən gələnlərin sayı 17,1 faiz, MDB ölkələrindən gələnlərin sayı 3,5 faiz artsa da, körfəz ölkələrindən gələnlərin sayı 27,8 faiz azalb. Ərəb dövlətlərindən gələnlərin sayının azalmasına ümumi faktorlar ilə yanaşı, regiondakı müharibə də xüsusi təsir göstərib.

Bütün bunlar ilə yanaşı, turizm sektorunda struktur və institutsional islahatların daha da dərinləşdirilməsi prioritetdir. Turizm neftdən sonra Azərbaycana ən çox valyuta gətirən sektordur. Pandemiyadan öncə illik turizm gəlirləri 2.7 milyard dollara yaxın idi. Bu sektor həmçinin məşğulluğa da xüsusi töhvə verir. Bu baxımdan, turizm infrastrukturunun daha da inkişaf etdirilməsi və qiymətlərin optimallaşdırılması Azərbaycana daha çox turistin gəlməsinə imkan yarada bilər. Monitorinqlər göstərir ki, nəinki Bakıda, hətta bölgələrdə də turizm xidmətlərinin qiymətləri yüksək olaraq qalmaqdadır. Bu da həm daxili, həm də gəlmə turizmin inkişafına təsirsiz ötüşmür".

]]> xeber Wed, 03 Jun 2026 09:29:58 +0300 https://xeberim.info.az/cemiyyet/29405-mhrrm-ay-bu-tarixd-balayacaq.html https://xeberim.info.az/cemiyyet/29405-mhrrm-ay-bu-tarixd-balayacaq.html ]]>

Bu il Azərbaycanda Məhərrəm ayı iyunun 16-da başlayacaq.

Məhərrəmlik ayın ən mühüm günü hesab edilən Aşura günü isə iyunun 25-nə təsadüf edəcək.

Məhərrəmlik ayından sonra isə Səfər ayı iyulun 15-də başlayacaq və 1 aya yaxın davam edəcək.

]]> xeber Wed, 03 Jun 2026 09:00:04 +0300 https://xeberim.info.az/cemiyyet/29409-azrbaycan-mrkzi-banknn-valyuta-mznnlri.html https://xeberim.info.az/cemiyyet/29409-azrbaycan-mrkzi-banknn-valyuta-mznnlri.html ]]>


Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.

Avronun 0,1 % azalaraq 1,9763 manat, 100 Rusiya rublunun məzənnəsi 2 % azalaraq 2,3214 manat təşkil edib.

Valyuta

    
Məzənnə




1 ABŞ dolları

    
1,7000




1 Avro

    
1,9763




100 Rusiya rublu

    
2,3214




1 Avstraliya dolları

    
1,2187




1 Belarus rublu

    
0,6223




1 BƏƏ dirhəmi

    
0,4628




100 Cənubi Koreya vonu

    
0,1118




1 Çexiya kronu

    
0,0817




1 Çin yuanı

    
0,2512




1 Danimarka kronu

    
0,2645




1 Gürcü larisi

    
0,6385




1 Honq Konq dolları

    
0,2169




1 Hindistan rupisi

    
0,0178




1 İngilis funt sterlinqi

    
2,2883




10 000 İran rialı

    
-




1 İsveç kronu

    
0,1822




1 İsveçrə frankı

    
2,1564




1 İsrail şekeli

    
0,5954




1 Kanada dolları

    
1,2276




1 Küveyt dinarı

    
5,4953




100 Qazaxıstan təngəsi

    
0,3466




1 Qətər rialı

    
0,4664




1 Qırğız somu

    
0,0194




100 Macarıstan forinti

    
0,5566




1 Moldova leyi

    
0,0984




1 Norveç kronu

    
0,1829




100 Özbək somu

    
0,0142




100 Pakistan rupisi

    
0,6085




1 Polşa zlotası

    
0,4665




1 Rumıniya leyi

    
0,3761




1 Serbiya dinarı

    
0,0168




1 Sinqapur dolları

    
1,3280




1 Səudiyyə Ərəbistanı rialı

    
0,4529




1 SDR (IMF-in xüsusi borcalma hüquqları)

    
2,3274




Türk lirəsi

    
0,0370




Türkmənistan manatı

    
0,4857




Ukrayna Qrivnası

    
0,0384




Yapon yeni

    
1,0632




Yeni Zelandiya dolları

    
1,0053




Qızıl

    
7598,1585




Gümüş

    
126,9234




Platin

    
3282,2665




Palladium

    
2330,5130


]]> xeber Wed, 03 Jun 2026 08:43:35 +0300 https://xeberim.info.az/cemiyyet/29399-dn-d-vzify-tyin-ediln-hakimlrl-gr-keirildi-foto.html https://xeberim.info.az/cemiyyet/29399-dn-d-vzify-tyin-ediln-hakimlrl-gr-keirildi-foto.html ]]>

Daxili İşlər Nazirliyində vəzifəyə yeni təyin olunmuş hakimlərlə görüş keçirilib.

“Görüşdə hüquq-mühafizə və məhkəmə institutları arasında formalaşmış səmərəli əməkdaşlıq, qanunun aliliyinin təmin edilməsi, vətəndaşların hüquq və azadlıqlarının etibarlı müdafiəsi müzakirə olunub.

Qeyd olunub ki, bu təmasların praktiki məsələlərlə bağlı hakimlərin məlumatlılığının artmasına hüquq sisteminin daha da təkmilləşdirilməsinə töhfə verir.

Daxili İşlər Nazirliyinin fəaliyyət istiqamətləri, asayişin və təhlükəsizliyin mühafizəsi, cinayətkarlıqla mübarizədə görülən işlər diqqətə çatdırılıb.







]]> xeber Tue, 02 Jun 2026 11:39:33 +0300 https://xeberim.info.az/cemiyyet/29397-prezidentin-qz-v-glini-tamaa-nmayiind-fotolar.html https://xeberim.info.az/cemiyyet/29397-prezidentin-qz-v-glini-tamaa-nmayiind-fotolar.html ]]>

Prezidentin qızı - Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və gəlini Alena Əliyeva Azərbaycan Dövlət Akademik Musiqili Teatrının səhnəsində dünyaşöhrətli “Balaca Şahzadə” əsəri əsasında hazırlanmış tamaşa nümayişində olublar.

“Bununla bağlı A.Əliyeva “Instagram”  hesabında paylaşım edib.

Sözügedən paylaşımı təqdim edirik:

 

]]> xeber Tue, 02 Jun 2026 10:58:22 +0300