https://xeberim.info.az/ az Kriminal - Xeberim.info.az İnformasiya Agentliyi DataLife Engine https://xeberim.info.az/kriminal/29423-dyp-gecki-qza-il-bal-mlumat-yayd.html https://xeberim.info.az/kriminal/29423-dyp-gecki-qza-il-bal-mlumat-yayd.html ]]>

DİN-in Baş Dövlət Yol Polisi İdarəsi Biləsuvarda ölümlə nəticələnən yol qəzası barədə məlumat yayıb.

İdarədən  bildirilib ki, iyunun 2-si saat 23 radələrində Ələt-Astara avtomobil yolunun 90-cı kilometrində, Xırmandalı kəndinin ərazisində Aləddin Babayevin idarə etdiyi “Ford Transit” markalı avtomobil qarşıda gedən Kəramət Ağayevin idarə etdiyi “Mercedes” markalı yük avtomobili ilə toqquşub.

Qəza nəticəsində “Ford”un sürücüsü hadisə yerində həyatını itirib. Faktla bağlı araşdırma aparılır.

“Eyni istiqamətdə, eyni zolaqda hərəkət edən nəqliyyat vasitələrinin bu şəkildə toqquşması sürücülərin yorğun, yuxusuz, yaxud idarəetmə zamanı diqqəti yayındıran hərəkətlərə aludə olmasından xəbər verir. Sözügedən yol-nəqliyyat hadisəsində də sürücünün sükan arxasında yuxulaması ehtimal olunur.

Baş Dövlət Yol Polisi İdarəsi bir daha sürücülərə, xüsusilə sərnişin və yükdaşıma fəaliyyəti göstərən şəxslərə müraciət edərək onları avtomobil idarə edərəkən diqqəti yayındıran hərəkətlərdən çəkinməyə, yorğun, yuxusuz halda sükan arxasına əyləşməməyə, yol hərəkəti qaydalarına, iş və istirahət rejiminə ciddi əməl etməyə, özlərinin və digər hərəkət iştirakçılarının təhlükəsizliyinə, həyat və sağlamlığına biganə yanaşmamağa çağırır”, - məlumatda deyilir.

]]> xeber Wed, 03 Jun 2026 13:07:58 +0300 https://xeberim.info.az/kriminal/29421-hakim-ona-1-saat-vaxt-verdi-krplrin-ldy-yannla-bal-i-bitir.html https://xeberim.info.az/kriminal/29421-hakim-ona-1-saat-vaxt-verdi-krplrin-ldy-yannla-bal-i-bitir.html ]]>

Respublika Perinatal Mərkəzində 7 körpənin ölümünə səbəb olan yanğınla bağlı uzun müddətdir davam edən məhkəmə araşdırması başa çatır.

“Qafqazinfo” xəbər verir ki, bu dəqiqələrdə Bakı Ağır Cinayətlər Məhkəməsində vəkillər yekun çıxış ediblər.

Mərkəzin direktoru vəzifəsində işləmiş Mehriban Abasquliyevanın iki vəkilinin müdafiə çıxışı üç saat çəkib.

Vəkil Muxtar Mustafayev əvvəlki həmkarının səsləndirdiyi arqumentlərə yenidən qayıtdığı üçün hakim Leyla Əsgərova Məmmədova ona xəbərdarlıq edib. Bu vaxt prosesdə qısa gərginlik yaşanıb, vəkil çıxışını kəsdiyi üçün hakimə etiraz edəcəyini deyib. Hakim isə ondan təkrar sözlərlə prosesi uzatmamasını tələb edib.

Muxtar Mustafayev çıxışının davamında cinayət işi üzrə ilkin istintaqı aparan müstəntiqləri və ekspertləri ittiham edib: “İbtidai istintaq nə araşdırıb? Ekspert rəy verib ki, uzadıcı elektrik naqilləri yüklənib. Amma bunu necə sübut etdiyini yazmayıb. Münəccim idi? Bundan əlavə, deyirlər elektrik naqillərinin nasaz olması ilə bağlı məlumat verilməyib. Bu barədə Mehriban Abasquliyevaya kimsə məlumat verməyib. Kimsə nə isə etdi, dərhal rəhbər günahkardır. Tutun, qoyun içəri.

Ən vacib məsələyə gələk. Qəzadan sonra ölən uşaqların sayının artması düzgün araşdırılmayıb. Bilirsiniz niyə artdı? Çünki başqa xəstəxanalara təxliyə düzgün olmadı. Bəzi tibb müəssisələrində avadanlıqlar və peşəkar heyət çatışmadı. Bu Mərkəzdə çalışanları da müalicəyə buraxmadılar. Yəni kütləvi səhlənkarlıq nəticəsində bu faciə böyüdü. İndi prokuror deyir, Abasquliyeva islah olunması üçün həbs edilməlidir. Niyə, nə olacaq? Bu islahdan çox qisas almaq olar”.Vəkil yekunda müvəkkilinə bəraət verilməsini istəyib. İş üzrə ittiham olunan Mərkəzin şöbə müdirləri Hamlet Mustafayev və Elnur Əhmədlinin vəkilləri də çıxışlarında, özləri isə son sözlərində bəraət istəyiblər. H.Mustafayev və E.Əhmədli iki ildən çoxdur işsiz qaldıqlarını, bu müddətin elə onlar üçün cəza olduğunu, Mustafayev əlavə olaraq 90 yaşlı atasına himayədarlıq etməsinin nəzərə alınmasını xahiş edib.

Mehriban Abasquliyeva isə bu gün üçün son söz deməyə hazır olmadığını bildirib. Amma hakim bu işə kifayət qədər vaxt ayrıldığını əsas gətirərək ona son sözə hazırlaşmaq üçün 14:00-a kimi vaxt verib.

Əvvəlki iclasda prokuror M.Abasquliyevaya 8, digərlərinə 7 il həbs cəzası tələb edib. Günün ikinci yarısında hökm oxunacağı gözlənilir.

Xatırladaq ki, hadisə 2024-cü ilin yanvarında baş verib.

Baş Prokurorluğun İstintaq İdarəsində aparılan istintaqla Mərkəzin direktoru M.Abasquliyeva, Anesteziologiya, reanimasiya və intensiv terapiya şöbəsinin müdiri Hamlet Mustafayev və Dəstək Xidmətləri şöbəsinin müdiri Elnur Əhmədli cinayət məsuliyyətinə cəlb edilib.

Onlara qarşı Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən sui-istifadə) və 225.3-cü (yanğın təhlükəsizliyi qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddələri ilə yekun ittiham verilib.

]]> xeber Wed, 03 Jun 2026 12:59:00 +0300 https://xeberim.info.az/kriminal/29415-hvsanda-vtnda-zorla-mana-mindirib-aparmaq-istyiblr-foto.html https://xeberim.info.az/kriminal/29415-hvsanda-vtnda-zorla-mana-mindirib-aparmaq-istyiblr-foto.html ]]>

Gecə saatlarında Suraxanı rayonu, Hövsan qəsəbəsində bir qrup şəxs arasında insident baş verib.

“Qafqazinfo” xəbər verir ki, hadisəyə dair görüntülər sosial şəbəkələrdə yayılıb.

Bildirilib ki, bir qrup şəxs əvvəlcədən tanıdıqları vətəndaşın ardınca Hövsan qəsəbəsindəki MİDA yaşayış kompleksinə gəliblər. Onlar həmin vətəndaşı zorla avtomobilə mindirib aparmaq istəyiblər.

Bu zaman qaçan zərərçəkmiş mağazaya daxil olaraq içki şüşəsi götürüb və özünü müdafiə etməyə çalışıb. Səs-küyə digər vətəndaşlar da gəliblər.

Hadisənin hansı səbəbdən baş verməsi, tərəflər arasındakı münasibətin nədən ibarət olması barədə məlumat verilməyib.

Əldə etdiyimiz məlumata görə, hazırda vətəndaşın müraciəti əsasında ərazi üzrə polis orqanında araşdırma aparılır.




]]> xeber Wed, 03 Jun 2026 10:40:40 +0300 https://xeberim.info.az/kriminal/29408-azrbaycanl-tlb-memlr-gr-15-il-hbs-czas-ald.html https://xeberim.info.az/kriminal/29408-azrbaycanl-tlb-memlr-gr-15-il-hbs-czas-ald.html ]]>

Rusiya məhkəməsi 27 mayda Murmansk tələbəsi Rafael Məmmədovu xəyanət və terror təşkilatında iştirak ittihamı ilə 15 il həbs cəzasına məhkum edib.

"Unikal" xəbər verir ki, o, cəzasının ilk üç ilini həbsxanada, qalan hissəsini isə ciddi rejimli koloniyada keçirəcək.

Məmmədovun həbsinə onun idarə etdyi "Azad Laplandiya" Telegram kanalı səbəb olub. Belə ki, kanalda memlər, fotoşəkillər, regionun tarixi və mifologiyası haqqında faktlar, eləcə də Rusiya hakimiyyətini tənqid edən və Rusiyanın şimal-qərb bölgələri xalqlarının mədəni kimliyinin qorunması zərurətini müzakirə edən paylaşımlar dərc olunub.

2024-cü ilin noyabr ayında Rusiya Ali Məhkəməsi Baş Prokurorluğun qaldırdığı iddia əsasında "Post-Rusiya Azad Dövlətləri Forumu"nu və "onun 172 struktur bölməsini" "terror təşkilatı" elan edib. FTB reyestrinə görə, onların arasında mövcud olmayan "Azad Laplandiya Hərəkatı" (Kollandiya, Laplandiya Respublikası) da olub.

2025-ci ilin may ayında Məmmədov terrorizm ittihamı ilə həbs olunaraq məhkəməyəqədərki həbsxanaya göndərilib. Məhkəməyə verilməzdən əvvəl o, Arktika Universitetində rəqəmsal sosiologiya ixtisası üzrə üçüncü kurs tələbəsi olub.

2026-cı ilin may ayında Məmmədov dövlətə xəyanətdə ittiham olunub. O, günahsız olduğunu bildirib.

Məlumata görə, həbsdə olduğu müddətdə Məmmədov iki dəfə intihara cəhd edib. Məhkəməyəqədərki həbsdə boynunu və qollarını kəsib, sonra isə daşınma zamanı özünü kəmərlə asmağa cəhd edib. Lakin bütün hallarda mühafizəçilər ona mane olub.

]]> xeber Wed, 03 Jun 2026 08:35:09 +0300 https://xeberim.info.az/kriminal/29406-gz-mliyyat-faciy-evrildi-hac-tahir-grm-qabiliyytini-itirir.html https://xeberim.info.az/kriminal/29406-gz-mliyyat-faciy-evrildi-hac-tahir-grm-qabiliyytini-itirir.html ]]>

İmamzadə ziyarətgah kompleksinin imamı, Qafqaz Müsəlmanları İdarəsinin Gəncə bölgəsi üzrə qazisi Hacı Tahir Abbasovun səhhətində ciddi problemlər yaranıb.

 "Teleqraf"  xəbər verir ki, şəkərli diabetdən əziyyət çəkən Hacı Tahir Abbasov bir müddət əvvəl Bakıda gözündən əməliyyat olunub. Hazırda onun digər gözündə də ağırlaşma müşahidə olunur və görmə qabiliyyətini, demək olar ki, itirib.

İlkin ehtimallara görə, buna səbəb keçirdiyi əməliyyatın uğursuz olmasıdır. T.Abbasovun yenidən Bakıda cərrahi əməliyyat olunacağı bildirilir.

]]> xeber Wed, 03 Jun 2026 08:22:29 +0300 https://xeberim.info.az/kriminal/29403-polkovnik-cinayt-ii-ald-zrrkmi-is-hbsddir.html https://xeberim.info.az/kriminal/29403-polkovnik-cinayt-ii-ald-zrrkmi-is-hbsddir.html ]]>

Bir neçə gün əvvəl Müdafiə Nazirliyinin Baş Tibb İdarəsinin rəis müavini vəzifəsindən azad edilən polkovnik Oktay Babayev cinayət məsuliyyətinə cəlb olunub.

“Qafqazinfo”nun əldə etdiyi məlumata görə, o, dələduzluqda ittiham edilir.

Maraqlı məqam isə ondan ibarətdir ki, iş üzrə zərərçəkmiş şəxs Silahlı Qüvvələrin Baş Klinik Hospitalının Mərkəzi Tibbi Arxivinin və Müdafiə Nazirliyinin Tibbi Sənədlər Arxivinin sabiq rəisi, hazırda korrupsiya ittihamı ilə həbsdə olan mayor Ruhin Tağıyevdir.

İttihama görə, O.Babayev R.Tağıyevdən onun sərəncama göndərilməməsinə köməklik göstərəcəyi vədi ilə 30 min manat alıb. Lakin bir müddət sonra R.Tağıyev həbs olunub.

Şikayət əsasında Respublika Hərbi Prokurorluğunda istintaq aparılıb. İstintaqın yekununda O.Babayevə Cinayət Məcəlləsinin 178.2.3-cü (dələduzluq-qulluq mövqeyindən istifadə edilməklə törədildikdə) maddəsi ilə ittiham irəli sürülüb. Bu maddənin sanksiyasında cərimə və ya 5 ilə qədər həbs nəzərdə tutulur.

Əvvəllər Naxçıvan Hərbi Polis İdarəsinin rəisi də işləmiş polkovnik Babayev 30 min manatın bir hissəsini ödəməyə razılıq verdiyi üçün həbs edilməyib, barəsində alternativ qətimkan tədbiri seçilib.

Hazırda cinayət işi baxılması üçün Bakı Hərbi Məhkəməsinə göndərilib.

Qeyd edək ki, Ruhin Tağıyevin cinayət işi də Bakı Hərbi Məhkəməsində araşdırılır. Həmin iş üzrə hələlik hökm çıxarılmayıb.

]]> xeber Tue, 02 Jun 2026 12:24:24 +0300 https://xeberim.info.az/kriminal/29382-bakda-polislr-mqavimt-gstrn-xs-saxlanld.html https://xeberim.info.az/kriminal/29382-bakda-polislr-mqavimt-gstrn-xs-saxlanld.html ]]>

Binəqədi rayonu ərazisində axtarışda olan "Hyundai" markalı, 99-QP-750 dövlət qeydiyyat nişanlı avtomobilə yol polisi əməkdaşları tərəfindən "saxla" işarəsi verilib.

Bakı Şəhər Dövlət Yol Polisi İdarəsinin İctimaiyyətlə Əlaqələr Bölməsindən bildirilib ki, ödənilməmiş cərimə öhdəliyinə görə saxlanılması və mühafizə olunan duracağa yerləşdirilməsi ilə bağlı qərara əsasən, konstruksiya dəyişikliyi edilmiş nəqliyyat vasitəsini idarə edən 24 yaşlı Sabir Əliyev polis əməkdaşlarının qanuni tələblərinə əməl etməyərək tabesizlik göstərib.

Onun qanunsuz hərəkətlərinin qarşısı alınaraq aidiyyəti üzrə ərazi polis şöbəsinə gətirilməsi təmin edilib.

Sürücü barəsində qanunvericiliyə uyğun olaraq hüquqi məsuliyyət tədbirləri görülür.

]]> xeber Tue, 02 Jun 2026 09:00:21 +0300 https://xeberim.info.az/kriminal/29357-dnndn-bri-bakda-41-aac-snb-fotolar.html https://xeberim.info.az/kriminal/29357-dnndn-bri-bakda-41-aac-snb-fotolar.html ]]>

Dünəndən əsən güclü külək nəticəsində 41 ağac sınıb, 64 ağacın budaqları qopub.

Bu barədə “Qafqazinfo”ya Bakı şəhər Yaşıllaşdırma Təsərrüfatı İdarəsindən bildirilib.

Qeyd edilib ki, bununla əlaqədar gecə ərzində birliyin briqadaları sınan ağacların götürülməsi və ərazilərin təmizlənməsi ilə məşğul olublar.

Hazırda işlər davam edir.



]]> xeber Sat, 30 May 2026 10:35:30 +0300 https://xeberim.info.az/kriminal/29355-yasa-gedrkn-qzaya-ddlr-yarallar-var.html https://xeberim.info.az/kriminal/29355-yasa-gedrkn-qzaya-ddlr-yarallar-var.html ]]>

Şəkiyə yasa gedənlər Oğuzda qəzaya düşüblər.

“Qafqazinfo”nun məlumatına görə, hadisə Qaraməryəm-İsmayıllı-Şəki magistral yolunun rayonun Qumlaq kəndi ərazisindən keçən hissəsində qeydə alınıb.

Belə ki, Şəki sakini Amil Elxan oğlu Əmiraslanovun idarə etdiyi “Mercedes” markalı avtomobil idarəetmədən çıxaraq ağaca çırpılıb. Nəticədə sürücü və sərnişin, 1981-ci il təvəllüdlü Sevinc Əlifova müxtəlif dərəcəli bədən xəsarətləri alıblar.

Sürücü A.Əmiraslanov avtomobildə sıxılı vəziyyətdə qalıb. Hazırda  sürücünün avtomobildən  çıxarılması üçün işlər aparılır.

Hadisə yerinə polis əməkdaşları cəlb olunub.

]]> xeber Sat, 30 May 2026 10:13:41 +0300 https://xeberim.info.az/kriminal/29353-adrd-smk-qalqlar-akarland-tkin-dm-ail-ola-bilr-fotolar.html https://xeberim.info.az/kriminal/29353-adrd-smk-qalqlar-akarland-tkin-dm-ail-ola-bilr-fotolar.html ]]>

Ağdərə rayonunun Baş Güney kəndində insana məxsus olduğu ehtimal edilən sümük qalıqları aşkar edilib.

“Qafqazinfo”nun əldə etdiyi  məlumata görə, qalıqlar kənd sakini Bəxtiyar Əsgərov tərəfindən ailəsinə məxsus həyət evində aparılan axtarışlar zamanı tapılıb.

İlkin ehtimallara əsasən, sümük fraqmentləri 1992-ci ildə itkin düşmüş Qəribovlar ailəsinin üzvlərinə aid ola bilər.

Qeyd edək ki, 1992-ci il martın 12-də Baş Güney kəndinin işğalı zamanı ailənin beş üzvü – Balay Qəribov, həyat yoldaşı Saray İsmayılova, qızları Zabilə və Ramilə Ələsgərovalar, eləcə də, nəvəsi Nərgiz Xudaverdiyeva itkin düşüb. Həmin şəxslərin taleyi ilə bağlı indiyədək dəqiq məlumat əldə olunmayıb.

Ailənin yeganə sağ qalan üzvü olan Bəxtiyar Əsgərov uzun illərdir yaxınlarının aqibətinin müəyyənləşdirilməsi istiqamətində araşdırmalar aparır.

Aşkarlanan sümük qalıqları aidiyyəti qurumlar tərəfindən götürülərək ekspertizaya təqdim olunub. Qalıqların kimə məxsus olduğu məhkəmə-tibbi və DNT ekspertizalarının nəticələrindən sonra dəqiqləşəcək.



]]> xeber Sat, 30 May 2026 10:04:13 +0300