https://xeberim.info.az/ az Mədəniyyət - Xeberim.info.az İnformasiya Agentliyi DataLife Engine https://xeberim.info.az/medeniyyet/29259-heydr-liyev-mrkzind-perulu-rssamn-frdi-srgisinin-al-olub-fotolar.html https://xeberim.info.az/medeniyyet/29259-heydr-liyev-mrkzind-perulu-rssamn-frdi-srgisinin-al-olub-fotolar.html ]]>

Mayın 21-də Heydər Əliyev Mərkəzində perulu rəssam Ronald Kompanokanın fərdi sərgisinin açılışı olub.

Sərginin açılış mərasimində Leyla Əliyeva və Alena Əliyeva, mədəniyyət naziri Adil Kərimli, tanınmış incəsənət xadimləri və digər qonaqlar iştirak ediblər.

“Yuxular teatrı” (“The Theater of Dreams”) adlı sərgidə müəllifin bir sıra əsərləri ilk dəfə ictimaiyyətə təqdim olunub.

Açılış mərasimindən əvvəl jurnalistlərə açıqlama verən Ronald Kompanoka bildirib ki, bu hadisə onun üçün böyük əhəmiyyət daşıyır və sərginin Avropanın mühüm mədəniyyət mərkəzlərindən birində keçirilməsi xüsusi önəm kəsb edir. Rəssam qeyd edib ki, layihəni digər sərgilərdən fərqləndirən əsas cəhət onun yalnız ənənəvi təqdimat formatı ilə məhdudlaşmaması, müxtəlif mədəni yanaşmaları və yaradıcı baxışları bir araya gətirməsidir.

O vurğulayıb ki, sərgidə nümayiş olunan əsərlərin bir qismi Azərbaycan mədəniyyətindən ilhamlanaraq hazırlanıb. Eyni zamanda, bəzi işlərdə xalça elementləri, digər əsərlərdə isə Azərbaycan motivləri və ölkəmizin adı əks olunub. Ronald Kompanoka əlavə edib ki, yaradıcılığında həm fantaziya, həm də sehrli sürrealizm elementləri yer alır. Bununla belə, o, əsərlərini daha çox realist və mistik üslubun sintezi kimi dəyərləndirir.

Açılış mərasimində çıxış edən Heydər Əliyev Mərkəzinin direktoru Anar Ələkbərov bildirib ki, rəssamla artıq bir neçə ildir sərginin Azərbaycanda keçirilməsi ilə bağlı müzakirələr aparılırdı və nəhayət bu layihəni reallaşdırmaq mümkün olub. O, bu müddət ərzində fəal yaradıcılıq fəaliyyəti göstərdiyinə və sərginin təşkilinə verdiyi dəstəyə görə rəssama təşəkkür edib.

Anar Ələkbərov, həmçinin bu cür layihələrin həyata keçirilməsinə göstərdiyi dəstəyə görə Azərbaycanın Birinci vitse-prezidenti Mehriban Əliyevaya minnətdarlığını bildirib.

Çıxış edən Ronald Kompanoka isə qeyd edib ki, sərgidə təqdim olunan iriölçülü əsərlər üzərində son bir il ərzində intensiv çalışıb. Onun sözlərinə görə, bu əsərlər detallara olan xüsusi həssaslığının, görünməyəni görünənə çevirmək istəyinin və daxili dünyasının bədii ifadəsinin nəticəsidir.

Qeyd olunub ki, ekspozisiyada nümayiş olunan əsərlərin ana xəttini zaman, səyahət və yuxular mövzusu təşkil edir. Sərgidə xatirələri qoruyan saatlar, buludlar yaradan gəmilər, Ay işığında hərəkət edən karvanlar və eyni mənzilə doğru can atan obrazlar xüsusi yer tutur.

Tədbir çərçivəsində Kompanokanın əsərlərindəki obrazları səciyyələndirən müxtəlif personajların iştirakı ilə bədii proqram da təqdim olunub.

Daha sonra qonaqlar “Yuxular teatrı” sərgisi ilə tanış olublar.

Xəyali aləmə aparan sərginin əsas personajlarını təlxəklər, musiqiçilər, sehrbazlar, səyyahlar və fantastik varlıqlar təşkil edir. Bu obrazlar tamaşaçını rəssamın daxili dünyasına doğru qeyri-adi səyahətə aparır.

Ronald Kompanokanın əsərləri sehrli sürrealizm fəlsəfəsi əsasında yaradılıb və ziyarətçiləri reallıqla təxəyyülün incə tarazlıqda qovuşduğu ecazkar kainatla tanış edir. Bu bədii yanaşmada İeronim Bosx, Salvador Dali və Rene Maqrit kimi dünyaşöhrətli sənətkarların yaradıcılığına istinad olunur.

Tamaşaçıları ilə özünəməxsus bədii dildə ünsiyyət quran Ronald Kompanokanın əsərləri bu günədək Avropa, ABŞ və Mərkəzi Amerikanın müxtəlif ölkələrində nümayiş etdirilib.

Sərgi 2027-ci il martın 1-dək davam edəcək.


]]> xeber Fri, 22 May 2026 08:45:53 +0300 https://xeberim.info.az/medeniyyet/29258-leyla-liyeva-v-arzu-liyeva-urban-expo-srgisi-il-tan-olublar-fotolar.html https://xeberim.info.az/medeniyyet/29258-leyla-liyeva-v-arzu-liyeva-urban-expo-srgisi-il-tan-olublar-fotolar.html ]]>

Mayın 21-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Bakı Media Mərkəzinin rəhbəri Arzu Əliyeva Ümumdünya Şəhərsalma Forumunun 13-cü Sessiyası (WUF13) çərçivəsində keçirilən "Urban Expo" sərgisinə baxıblar.

Leyla Əliyeva və Arzu Əliyeva Azərbaycanın, o cümlədən müxtəlif ölkələrin milli pavilyonlarında və stendlərində təqdim edilən layihələr və innovativ şəhərsalma həlləri ilə tanış olublar.

Onlar ziyarətçilər və iştirakçılar ilə görüşərək xatirə şəkilləri çəkdiriblər.



]]> xeber Fri, 22 May 2026 08:36:41 +0300 https://xeberim.info.az/medeniyyet/29162-man-ou-yenidn-balayr-foto.html https://xeberim.info.az/medeniyyet/29162-man-ou-yenidn-balayr-foto.html ]]>

Azərbaycanın efir məkanının ən məşhur və səs-küylü realiti şousu “Maşın” yenidən başlayır.

“Bu barədə “Xəzər” telekanalının baş prodüseri Toğrul Məmmədov paylaşım edib.

O, tarixi açıqlamasa da, paylaşıma “loading” yazaraq, şounun tezliklə yayımlanacağına eyham vurub.

Qeyd edək ki, layihənin rəhbəri və aparıcısı Xalq artisti və “Xəzər” TV-nin direktoru Murad Dadaşovdur. Layihə uzun müddət Lider (11 buraxılış), ATV (4 buraxılış) və ANS telekanalında (bir buraxılış) yayımlanıb. 2005-ci ildə başlayan şounun bu illər ərzində 16 buraxılışı və 288 iştirakçısı olub. İlk 3 buraxılışda sıravi vətəndaşlar iştirak etsə də, 4-cü şoudan başlayaraq, maşın ətrafında yalnız tanınmış simalar olub. Layihənin sonuncu buraxılışı “Maskarad” adı ilə 2019-cu ilin oktyabrında ATV-də yayımlanıb. Şounun qalibi Türkiyə vətəndaşı, aparıcı Suna Kasımoğlu olub.

]]> xeber Mon, 18 May 2026 09:52:26 +0300 https://xeberim.info.az/medeniyyet/29110-uada-xarblbl-beynlxalq-musiqi-festival-balad-fotolar.html https://xeberim.info.az/medeniyyet/29110-uada-xarblbl-beynlxalq-musiqi-festival-balad-fotolar.html ]]>

Mayın 14-də Şuşada Heydər Əliyev Fondu və Mədəniyyət Nazirliyinin təşkilatçılığı ilə “Xarıbülbül” IX Beynəlxalq Musiqi Festivalı başlayıb. 

“Qafqazinfo” xəbər verir ki, festival Cıdır düzündə keçirilir.

Bu il də festivala yerli incəsənət nümayəndələri ilə yanaşı, müxtəlif ölkələrdən musiqi kollektivləri və ifaçılar qatılıb.

Festival çərçivəsində Şuşanın müxtəlif məkanlarında konsert proqramları, sənədli film nümayişi və digər mədəni tədbirlər təşkil olunacaq.

Qeyd edək ki, festival mayın 15-də də davam edəcək. Şuşanın rəmzi olan gülün adını daşıyan “Xarıbülbül” Musiqi Festivalı 1989-cu ildən keçirilir. Qarabağ münaqişəsi dövründə əsas konsertlər Ağdamda təşkil edilib. Festivalın bir sıra konsertləri Bərdə və Ağcabədidə də keçirilib. Vətən müharibəsindəki tarixi zəfərimizlə torpaqlarımız işğaldan azad olunduqdan sonra festival yenidən Şuşaya qayıdıb. 2024-cü ildə isə festival Şuşa ilə yanaşı, Laçın şəhərini də əhatə edib. 




]]> xeber Thu, 14 May 2026 12:51:13 +0300 https://xeberim.info.az/medeniyyet/29106-qorxusunu-taleyin-evirmdi-lal-azrtadan-tsirli-paylam.html https://xeberim.info.az/medeniyyet/29106-qorxusunu-taleyin-evirmdi-lal-azrtadan-tsirli-paylam.html ]]>

Aparıcı Lalə Azərtaş Bakı–Qroznı istiqamətində uçuş zamanı qəzaya uğrayan AZAL təyyarəsinin bələdçisi Aydan Rəhimli ilə görüşüb.

Bu barədə o, sosial şəbəkə hesabında paylaşım edib.

"Aydan…Bu gün efirdə də bu adı daşıyan möcüzə bir xanımdan danışdım. Onun cəsarətinə heyran qaldım, hətta sözün ən gözəl mənasında ona həsəd apardım. Çünki hər insan ağır bir təyyarə qəzasından sonra yenidən səmaya baxa bilməz. Aydan isə qorxusunu taleyinə çevirmədi. O, yenidən mavi səmalara qalxacaq qədər güclü olmağı bacardı.

Londona onun ilk səfəri, mənim isə Aydanın xidmət etdiyi təyyarə ilə ilk uçuşum idi. Bu uçuş boyunca mən yalnız peşəkar bir bələdçi yox, içində böyük iradə daşıyan bir insan gördüm. Bəzən insanın ən böyük qələbəsi qorxmamaq deyil, qorxusuna baxmayaraq yenidən qanadlana bilməsidir… Aydan bunu bacaran güclü qızdır. Təyyarə qəzasında dünyasın dəyişənlərə rəhmət, qalanlara isə can saglıgı arzu edirəm", - deyə L.Azərtaş paylaşımında qeyd edib.

]]> xeber Thu, 14 May 2026 11:34:05 +0300 https://xeberim.info.az/medeniyyet/29024-rad-dal-azadla-buraxlb-aqlama.html https://xeberim.info.az/medeniyyet/29024-rad-dal-azadla-buraxlb-aqlama.html ]]>

Sosial şəbəkələrdə meyxanaçı Rəşad Dağlının azadlığa çıxması barədə məlumatlar yayılıb.

Tiktokda yayılan videoda meyxanaçı Ağamirzənin çıxışı paylaşılıb.

Videoda “Çox sağ olun, hamınız dua elədiniz, şükür Allaha qardaşımız azadlıqda” dediyi eşidilir.

Videoda R.Dağlının fotosu yerləşdirilib və onun azadlığa çıxdığı iddia edilir.

Videonun ilk baxışdan saxta olunduğu hiss edilsə də, çox sayda sosial şəbəkə istifadəçisi xəbərin həqiqi olduğuna inanıb.

Rəşad Dağlının bibisi qızı, jurnalist Könül Aypara Ölkə.Az-a açıqlamasında məlumatların həqiqəti əks etdirmədiyini bildirib.

O, bəzi sosial şəbəkə səhifələrinin reytinq xatirinə tez-tez bu cür yalan məlumatlar paylaşdığını söyləyib.

Qeyd edək ki, Rəşad Dağlı 2022-ci ildə qonşusunu öldürməkdə təqsirli bilinərək 9 il 6 ay müddətinə azadlıqdan məhrum edilib.

]]> xeber Thu, 07 May 2026 09:34:29 +0300 https://xeberim.info.az/medeniyyet/28827-leyla-v-arzu-liyevalar-xan-mscidind-fotolar.html https://xeberim.info.az/medeniyyet/28827-leyla-v-arzu-liyevalar-xan-mscidind-fotolar.html ]]>

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Arzu Əliyeva Şəkidə Sosial Xidmətlər Agentliyinin 6 saylı uşaq evi sosial xidmət müəssisəsini ziyarət ediblər.

 AZƏRTAC xəbər verir ki,səfər zamanı Leyla Əliyeva və Arzu Əliyeva müəssisənin fəaliyyəti, valideyn himayəsindən məhrum olmuş uşaqlar üçün yaradılan şərait, onların təlim-tərbiyəsi və sosial müdafiəsi istiqamətində görülən işlərlə yaxından tanış olublar.

Bildirilib ki, 1936-cı ildən fəaliyyət göstərən uşaq evi Azərbaycanın Birinci vitse-prezidenti Mehriban Əliyevanın təşəbbüsü ilə 2018-ci ildə yeni bina ilə təmin edilib.

Sonra Leyla Əliyeva və Arzu Əliyeva uşaqların xüsusi hazırladıqları mədəni proqramı izləyiblər. Proqram çərçivəsində uşaqlar tərəfindən rəqs və musiqi nömrələri təqdim olunub, teatr məşğələsində hazırlanmış səhnəciklər nümayiş etdirilib. Uşaqların yaradıcılıq bacarıqlarını, istedadını və səhnə mədəniyyətini əks etdirən çıxışlar maraqla qarşılanıb.

Sonda müəssisənin kollektivi və uşaqlar ilə xatirə şəkilləri çəkdirilib, hədiyyələr təqdim edilib.

Həmçinin Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Arzu Əliyeva Şəki şəhərinə səfər çərçivəsində Xan məscidini ziyarət ediblər.

Ziyarət zamanı məscidin imamı Vüqar Məmmədov Leyla Əliyevaya və Arzu Əliyevaya Xan məscidi kompleksi barədə ətraflı məlumat verib.

Bildirilib ki, XVIII əsrə aid olan Şəki Xan məscidi şəhərin mühüm dini-mədəni və tarixi-memarlıq abidələrindən biridir. Tarixi mənbələrə və abidə üzərindəki kitabələrə əsasən, məscid Hacı Məhəmmədhüseyn Xan tərəfindən inşa etdirilib.

Qeyd olunub ki, tarixi Şəki Xan məscidində bərpa işləri Heydər Əliyev Fondu tərəfindən həyata keçirilib. Eləcə də məscid kompleksinin ərazisində muzey yaradılıb. Muzeydə Şəki xanlığı dövrünə aid eksponatlar, müxtəlif mənbələrdən toplanmış maddi-mədəniyyət nümunələri nümayiş olunur.

Muzey Şəki xanlığının yaranması və formalaşması tarixini, eləcə də onun milli dövlətçilik tariximizdə xüsusi yerini əyani şəkildə nümayiş etdirir.

Sonda Leyla Əliyevaya və Arzu Əliyevaya “Qurani-Kərim” hədiyyə olunub.



]]> xeber Tue, 28 Apr 2026 08:45:26 +0300 https://xeberim.info.az/medeniyyet/28822-bu-gn-grkmli-oftalmoloq-alim-zrif-liyevann-doum-gndr.html https://xeberim.info.az/medeniyyet/28822-bu-gn-grkmli-oftalmoloq-alim-zrif-liyevann-doum-gndr.html ]]>

Bu gün Azərbaycanın görkəmli alimi, Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın anadan olmasının 103 ili tamam olur.
 Zərifə Əliyeva 1923-cü ilin 28 aprelində Naxçıvanın Şərur rayonunda anadan olub.

Alimin oftalmologiyanın aktual məsələlərinə dair uzunmüddətli araşdırmalarının uğurlu nəticəsi olan sanballı əsərləri həmişə təqdirlə qarşılanıb və yüksək qiymətə layiq görülüb.

Bu tədqiqatlarda irəli sürülən yeni və effektli müalicə metodları, kompleks profilaktik tədbirlər qısa müddətdə müvəffəqiyyətlə geniş tətbiqini tapıb. Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi tədqiqat laboratoriyası məhz akademik Zərifə Əliyevanın təşəbbüsü ilə yaradılıb.

Həkimlik etikasını bütün elmi və pedaqoji fəaliyyəti boyu daim diqqət mərkəzində saxlayan Zərifə Əliyeva respublikada yüksək ixtisaslı kadrların hazırlanması işinə gərgin əmək sərf edib, gənc alimlərin və həkim-oftalmoloqların böyük bir nəslini formalaşdırıb.

1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb.

Z.Əliyevanın Azərbaycanda oftalmologiya elminin inkişafında müstəsna xidmətləri var. O, vaxtilə Azərbaycanda geniş yayılmış traxomanın, dünya təcrübəsində birincilər sırasında peşə, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən "Terapevtik oftalmologiya", "İridodiaqnostikanın əsasları" kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir. Z.Əliyeva yüksək ixtisaslı səhiyyə kadrları hazırlanmasına böyük əmək sərf edib.

Akademik Zərifə Əliyeva Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafiə Komitəsinin, Azərbaycan Oftalmologiya Cəmiyyəti İdarə Heyətinin, "Vestnik oftalmoloqii" (Moskva) jurnalı redaksiya heyətinin üzvü idi.

Yüksək elmi nailiyyətlərinə görə 1981-ci ildə SSRİ Tibb Elmlər Akademiyasının M.İ.Averbax adına mükafatına layiq görülüb.

Z.Əliyeva 1954-cü ildə gələcək dövlət başçısı Heydər Əliyevlə ailə həyatı qurub. Bu evlilikdən 1955-ci ildə Sevil Əliyeva, 1961-ci ildə isə İlham Əliyev dünyaya gəlib.

1985-ci il aprel ayının 15-də Moskva şəhərində vəfat edən Zərifə Əliyevanın cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək Fəxri Xiyabanda, atasının qəbri yanında dəfn olunub.

]]> xeber Tue, 28 Apr 2026 08:19:14 +0300 https://xeberim.info.az/medeniyyet/28800-meyxanalar-buna-gr-pis-vrdilr-quranr.html https://xeberim.info.az/medeniyyet/28800-meyxanalar-buna-gr-pis-vrdilr-quranr.html ]]>

"Meyxanaçıların çoxunun pis vərdişlərə qurşanmasının səbəbi diqqətdən kənar qalmaqdıq. İnsan yorulur, aləm dəyir bir-birinə. Bəziləri bu zəifçiliyə tabe olur".

Bu sözləri meyxanaçı Vüqar Əbdülov "Zarafat bir yana" proqramında deyib. O, meyxana ifaçılarının pis vərdişlərə qurşanmasının səbəbini açıqlayıb:

"Bəziləri də başgicəllənmədən belə olur. Artıq hər işi görür: böyük ailə məclisləri, imkan böyüyür. Bu da gəlib insanı məhv edir. Tərbiyəsiz, əxlaqsız xarakter yaranır. Ona görə də insanın gərək idarəsi özündə olsun. Bütün musiqiçilərə deyirəm ki, inandıqları insanı seçsinlər. Hamının yanında ağıllı, uğurlu adam olanda onu saxlaya bilir. Özbaşına qalanda heç kimə qulaq asmır. Özündən o qədər razısan, o qədər pul qazanırsan ki, baş gicəllənir, heç kimi dinləmirsən, ata-anaya qulaq asmırsan. Gedib şeytanın birinə rast gəlirsən. Səni şirin-şirin dolandırıb istədiyi yerə aparır. Bundan Allah saxlasın. Yoxsa özünə arxayın olmaq adamı qudurdur" (axşam.az)

]]> xeber Mon, 27 Apr 2026 08:28:10 +0300 https://xeberim.info.az/medeniyyet/28661-haliy-ad-xbr-bu-gn-giri-pulsuz-olacaq.html https://xeberim.info.az/medeniyyet/28661-haliy-ad-xbr-bu-gn-giri-pulsuz-olacaq.html ]]>

Bu gün – 18 Aprel  Beynəlxalq Abidələr və Tarixi Yerlər Günü ilə əlaqədar Azərbaycanda bir sıra muzey və tarixi-mədəniyyət qoruqlarında “açıq qapı” günü keçiriləcək.  Belə ki, ziyarətçilər bu məkanlara ödənişsiz şəkildə baş çəkə biləcəklər.

yenisabah xəbər verir ki, bununla bağlı Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.

Məlumata görə, aksiya Azərbaycan Mədəniyyət Nazirliyinin tabeliyində fəaliyyət göstərən tarix-mədəniyyət qoruqları və muzeyləri əhatə edəcək. Bildirilib ki, aprelin 18-də qeyd olunan məkanlara giriş pulsuz olacaq.

Qeyd edək ki, Beynəlxalq Abidələr və Tarixi Yerlər Günü dünyada tarixi irsin qorunmasına diqqət çəkmək məqsədi ilə qeyd olunur. Bu gün münasibətilə müxtəlif ölkələrdə olduğu kimi, Azərbaycanda da mədəni irs nümunələrinin daha yaxından tanıdılması üçün xüsusi tədbirlər həyata keçirilir.

“Açıq qapı” günü çərçivəsində vətəndaşlar və şəhər qonaqları tarixi abidələr, muzey eksponatları və mədəni irs nümunələri ilə daha yaxından tanış olmaq imkanı əldə edəcəklər. Bu təşəbbüs həm tarixi məkanlara marağın artırılması, həm də cəmiyyətin mədəni irsin qorunması ilə bağlı məlumatlılığının gücləndirilməsi baxımından əhəmiyyətli hesab olunur.

]]> xeber Sat, 18 Apr 2026 09:04:12 +0300