https://xeberim.info.az/ az Səhiyyə - Xeberim.info.az İnformasiya Agentliyi DataLife Engine https://xeberim.info.az/sehiyye/29422-li-hmdovun-olu-bu-xstxanaya-ba-hkim-tyin-olundu.html https://xeberim.info.az/sehiyye/29422-li-hmdovun-olu-bu-xstxanaya-ba-hkim-tyin-olundu.html ]]>

Respublika Kliniki Uroloji Xəstəxanasına yeni baş həkim təyin olunub.

“Modern.az xəbər verir ki, bu vəzifəyə Milli Məclis sədrinin birinci müavini Əli Əhmədovun oğlu Fikrət Əhmədov gətirilib.

Məlumatı Respublika Kliniki Uroloji Xəstəxanasından təsdiqləyiblər. Bildirilib ki, yeni baş həkim təyinatı dünən olub və artıq kollektivə də təqdim edilən Fikrət Əhmədov bu gündən işə çıxıb.

Qeyd edək ki, F.Əhmədov bir neçə ay öncə Nizami Tibb Mərkəzinə baş həkim təyin olunmuşdu. O, yeni təyinatla əlaqədar Nizami Tibb Mərkəzindən ayrılıb.

O, 2014-cü ildən hal-hazıradək Azərbaycan Tibb Universitetinin Tədris Cərrahiyyə Klinikasında həkim uroloq və Urologiya şöbəsinin müdiri vəzifələrində çalışır.

]]> xeber Wed, 03 Jun 2026 13:03:55 +0300 https://xeberim.info.az/sehiyye/29400-tbb-d-yeni-tyinat-departament-rhbri-dyidi.html https://xeberim.info.az/sehiyye/29400-tbb-d-yeni-tyinat-departament-rhbri-dyidi.html ]]>

Zara İbrahimzadə Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və kommunikasiya departamentinin rəhbəri təyin olunub.

O, bu barədə özünün sosial media hesabında paylaşım edib.

Xatırladaq ki, TƏBİB-in İctimaiyyətlə əlaqələr və kommunikasiya departamentinin keçmiş rəhbəri Zamirə Ədilova olub. Bir müddətdir ki, onun vəzifəsi Elnur Hidayətoğluna həvalə olunmuşdu.

]]> xeber Tue, 02 Jun 2026 11:45:16 +0300 https://xeberim.info.az/sehiyye/29136-tbb-wuf13-la-bal-75-briqada-v-35-tcili-tibbi-yardm-avtomobili-ayrlb.html https://xeberim.info.az/sehiyye/29136-tbb-wuf13-la-bal-75-briqada-v-35-tcili-tibbi-yardm-avtomobili-ayrlb.html ]]>

Ümumdünya Şəhərsalma Forumunun On Üçüncü Sessiyası (WUF13) ilə əlaqədar TƏBİB-in tabeliyində fəaliyyət göstərən tibb müəssisələrində xidmətlərin fasiləsiz təşkili məqsədilə zəruri hazırlıq işləri görülüb.

Bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

Qeyd olunub ki, tədbirin keçirildiyi müddətdə xüsusilə 4 tibb müəssisəsi, o cümlədən Respublika Təcili və Təxirəsalınmaz Tibbi Yardım Mərkəzi gücləndirilmiş iş rejimində çalışacaq.

Mümkün tibbi ehtiyaclar nəzərə alınaraq Yeni Klinikanın təcili və təxirəsalınmaz tibbi yardım, uşaq təcili və təxirəsalınmaz tibbi yardım şöbəsi, reanimasiya şöbəsi və əməliyyatxana tam hazırlıq vəziyyətinə gətirilib.

Eyni zamanda yoluxucu xəstəliklərlə bağlı Sabunçu Tibb Mərkəzinin nəzdində fəaliyyət göstərən Məhəmmədi Modul Tipli Xəstəxanasında, yanıq xəsarətləri üzrə Mərkəzi Neftçilər Xəstəxanasında və zəhərlənmə halları ilə bağlı Kliniki Tibbi Mərkəzdə müvafiq çarpayı fondu ayrılıb.

Tibb müəssisələrində istifadə olunacaq tibbi avadanlıq, dərman preparatları və tibbi ləvazimatlara olan ehtiyac əvvəlcədən müəyyənləşdirilərək tam təmin edilib.

Həmçinin WUF13 ilə əlaqədar Respublika Təcili və Təxirəsalınmaz Tibbi Yardım Mərkəzi tərəfindən növbəlilik əsasında 75 briqada və 35 təcili tibbi yardım avtomobili ayrılıb.

WUF13 çərçivəsində ayrılmış hotellər və tədbirin keçirildiyi ərazilərdə təcili və təxirəsalınmaz tibbi yardım briqadaları 24/7 fəaliyyət göstərəcək. Təcili tibbi yardım xidmətinin fasiləsiz fəaliyyətinin təmin olunması məqsədilə ehtiyat nəqliyyat vasitələrinin ayrılması da nəzərdə tutulub.

Bununla yanaşı, təcili və təxirəsalınmaz tibbi yardım xidmətində iştirak edən heyət (həkim, orta tibb işçisi və sürücü) üçün təməl və təkmil həyat dəstəyi üzrə təlimlər təşkil edilib.

Eyni zamanda WUF13 Azərbaycan Əməliyyat Şirkətinin əməkdaşları və könüllüləri üçün də ilkin tibbi yardım mövzusunda təlim keçirilib. Təlim proqramları iştirakçıların fövqəladə hallarda düzgün və operativ müdaxilə bacarıqlarının artırılmasına yönəlib. Təlim zamanı iştirakçılara həyati təhlükə yaradan halların ilkin qiymətləndirilməsi, ürək-ağciyər reanimasiyasının aparılması qaydaları, qanaxmaların dayandırılması və travmalar zamanı ilkin tibbi yardımın göstərilməsi qaydaları üzrə praktiki biliklər verilib.

]]> xeber Fri, 15 May 2026 12:37:45 +0300 https://xeberim.info.az/sehiyye/29074-st-dn-hantavirusla-bal-xbrdarlq.html https://xeberim.info.az/sehiyye/29074-st-dn-hantavirusla-bal-xbrdarlq.html ]]>

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus “MV Hondius” kruiz gəmisində yayılan hantavirusla bağlı ölkələrə xəbərdarlıq edib.

“O, Madriddə keçirilən mətbuat konfransında bildirib ki, yaxın həftələrdə yeni yoluxma hallarının qeydə alınması mümkündür.

Qebreyesus İspaniyaya çətin vəziyyətdə olan gəmini qəbul etdiyinə görə təşəkkür edib və bunu “şəfqət və həmrəylik nümunəsi” adlandırıb.

ÜST rəhbəri hazırkı vəziyyətin genişmiqyaslı epidemiyaya işarə etmədiyini desə də, virusun uzun inkubasiya dövrünün narahatlıq yaratdığını vurğulayıb: “İnkubasiya müddətinin uzun olması səbəbindən yaxın həftələrdə yeni halların ortaya çıxması mümkündür”.

]]> xeber Wed, 13 May 2026 08:37:07 +0300 https://xeberim.info.az/sehiyye/29043-bu-qidalar-xrngdn-qoruyur-sl-mczdr.html https://xeberim.info.az/sehiyye/29043-bu-qidalar-xrngdn-qoruyur-sl-mczdr.html ]]>

Araşdırmalar göstərir ki, bəzi qidalar orqanizmi gücləndirərək xərçəng riskinin azalmasına kömək edə bilər.

Həkimlər və dietoloqlar xüsusilə antioksidantlarla zəngin məhsulların hüceyrələri qoruduğunu və immun sistemini dəstəklədiyini bildirirlər. Mütəxəssislərin sözlərinə görə, gündəlik qidalanmada edilən kiçik dəyişikliklər belə uzunmüddətli sağlamlığa ciddi təsir göstərə bilər.

Xərçəng riskini azaltmağa kömək edən qidalar arasında ilk sıralarda brokoli yer alır. Bu tərəvəzin tərkibində olan sulforafan adlı maddənin zərərli hüceyrələrə qarşı qoruyucu təsir göstərdiyi bildirilir. Sarımsaq da güclü təbii qoruyuculardan hesab olunur. Onun tərkibindəki birləşmələrin immun sistemini aktivləşdirdiyi vurğulanır.

Giləmeyvələr – xüsusilə qaragilə və moruq – yüksək antioksidant tərkibi ilə seçilir. Bu meyvələr bədəndə iltihabı azaltmağa və sərbəst radikallarla mübarizəyə kömək edir. Pomidor isə tərkibindəki likopen sayəsində diqqət çəkir. Mütəxəssislər xüsusilə bişmiş pomidorun daha faydalı olduğunu bildirirlər.

Yaşıl çay da qoruyucu təsiri ilə tanınır. Tərkibindəki katexin adlı maddələrin hüceyrələri zədələnmədən qoruduğu qeyd edilir. Qoz, badam və digər çərəzlər isə sağlam yağlar və vitaminlərlə zəngindir.

Həkimlər bildirirlər ki, heç bir qida təkbaşına möcüzəvi müalicə sayılmır. Lakin sağlam qidalanma, aktiv həyat tərzi və mütəmadi tibbi yoxlanışlarla birlikdə bu məhsulların istifadəsi orqanizmin müdafiəsini gücləndirə bilər.



]]> xeber Fri, 08 May 2026 16:00:13 +0300 https://xeberim.info.az/sehiyye/28949-diqqt-bu-drmanlar.html https://xeberim.info.az/sehiyye/28949-diqqt-bu-drmanlar.html ]]>

Sağalmaq üçün qəbul etdiyimiz dərmanların bədənimizdə uzunmüddətli iz buraxa biləcəyi ilə bağlı yeni araşdırma aparılıb. Məlum olub ki, bəzi geniş istifadə olunan dərmanlar bağırsaq mikrobiomunu illərlə dəyişdirə bilər.

Araşdırma Tartu Universiteti alimləri tərəfindən aparılıb. Tədqiqatçılar Estoniya Biobankının 2 500 iştirakçısı üzərində analiz apararaq 186 fərqli dərmanın bağırsaq mikrobiomuna təsirini qiymətləndiriblər.

Nəticələr göstərib ki, bu dərmanlardan 167-si mikrobiom balansına birbaşa təsir edir, 78-i isə istifadə dayandırıldıqdan sonra belə uzunmüddətli dəyişikliklərə səbəb ola bilər.

Mütəxəssislər bağırsaq mikrobiomunu “ikinci beyin” adlandırırlar. Çünki burada yaşayan trilyonlarla bakteriya təkcə həzm sisteminə deyil, immun sistemə, hormon balansına və hətta psixoloji vəziyyətə təsir
göstərir. Mikroorqanizmlərin tarazlığının pozulması isə “diskbioz” adlanan vəziyyətə gətirib çıxarır.

Hansı dərmanlar risk qrupundadır?

Araşdırmada xüsusilə bu dərman qruplarının adı çəkilir:

1. Benzodiazepinlər – Yuxu problemləri üçün istifadə olunur
2. Proton pompa inhibitorları – Mədə turşusunu azaldan preparatlar
3. Beta-blokerlər – Ürək-damar xəstəliklərində təyin edilir
4. Metformin – Şəkərli diabet üçün
5. Antidepresantlar

Alimlər bildirirlər ki, bu preparatlar bağırsaq bakteriyalarının müxtəlifliyini azalda və faydalı mikroorqanizmlərin sayını aşağı sala bilər.
Mikrobiom balansının pozulması aşağıdakı problemlərlə əlaqələndirilir:

1. Həzm pozuntuları
2. Allergiya və astma
3. Piylənmə
4. İltihabi bağırsaq xəstəlikləri
5. Depressiya

Mütəxəssislər dərmanların özbaşına dayandırılmasının təhlükəli olduğunu xüsusi vurğulayırlar. Onların sözlərinə görə, hər hansı dəyişiklik yalnız həkim məsləhəti ilə edilməlidir.

Ekspertlər mikrobiomun qorunması üçün bir neçə tövsiyə verirlər:

1. Lifli qidaların (tərəvəz, meyvə, tam taxıllar) qəbulunu artırmaq
2. Şəkər və həddindən artıq qırmızı ət istehlakını azaltmaq
3. Mütəmadi fiziki aktivliklə məşğul olmaq
4. Lazımsız dərman istifadəsindən çəkinmək
Araşdırmalar bir daha göstərir ki, dərmanlar həyati əhəmiyyət daşısa da, onların uzunmüddətli təsirləri də nəzərə alınmalıdır. Sağlamlıq yalnız xəstəliyi müalicə etmək deyil, bədənin daxili balansını qorumaqdan da keçir.(yenisabah.az)

]]> xeber Mon, 04 May 2026 14:22:42 +0300 https://xeberim.info.az/sehiyye/28919-mkdar-hkim-kliniki-tibbi-mrkz-direktor-tyin-edildi.html https://xeberim.info.az/sehiyye/28919-mkdar-hkim-kliniki-tibbi-mrkz-direktor-tyin-edildi.html ]]>

Əməkdar həkim, tibb elmləri üzrə fəlsəfə doktoru Musa Qara oğlu Abbasov Kliniki Tibbi Mərkəzə direktor təyin edilib.

Bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

M.Abbasov 1996-2003-cü illərdə Azərbaycan və Ukraynada bir sıra xəstəxanalarda həkim olaraq fəaliyyət göstərib. 2003-2014-cü illərdə Mərkəzi Klinik Xəstəxanada fəaliyyət göstərərək baş həkim, baş direktor və direktorlar şurasının üzvü kimi müxtəlif rəhbər vəzifələrdə çalışıb. Eyni zamanda Mərkəzi Klinikanın Gəncə diaqnostika və klinik xəstəxanalarında baş həkim, baş direktor vəzifələrində fəaliyyət göstərib.

2014-2020-ci illərdə "Bona Dea" Beynəlxalq Hospitalında baş direktorun müavini və baş həkim vəzifələrini icra edib.

2020-ci ildən hazırkı təyinatadək Mərkəzi Neftçilər Xəstəxanasının direktoru vəzifəsində çalışıb. ABŞ, Almaniya, Belçika, Türkiyə kimi ölkələrdə xəstəxana idarəetmə sistemi (HIS) konfranslarının iştirakçısı olub.

Musa Abbasov 2021-ci ildə Azərbaycan Respublikası Prezidentinin Sərəncamına əsasən "Əməkdar həkim" adı ilə təltif edilib. O, I Qarabağ müharibəsinin iştirakçısı və müharibə veteranıdır. 2020-ci ildə Vətən müharibəsi zamanı rəhbərlik etdiyi tibbi heyətlə birlikdə yüzlərlə yaralı hərbçinin əməliyyat və müalicəsinin təşkilində mühüm rol oynayıb.

]]> xeber Fri, 01 May 2026 14:12:35 +0300 https://xeberim.info.az/sehiyye/28918-mrkzi-neftilr-xstxanasnn-yeni-direktoru-kmdr-dosye.html https://xeberim.info.az/sehiyye/28918-mrkzi-neftilr-xstxanasnn-yeni-direktoru-kmdr-dosye.html ]]>

Xəbər verdiyimiz kimi, Mərkəzi Neftçilər Xəstəxanasının direktor vəzifəsinə əməkdar həkim, tibb üzrə fəlsəfə doktoru Zaur Bəhmən oğlu Xəlilov təyin olunub.

Yeni direktorun dosyesini təqdim edirik:

Zaur Xəlilov 1991-1997-ci illərdə Azərbaycan Tibb Universitetinin Müalicə-profilaktika fakültəsində ali tibb təhsili alıb.
1997-1998-ci illərdə akademik M.Topçubaşov adına Respublika Elmi Cərrahiyyə Mərkəzində ümumi cərrahiyyə üzrə internatura keçib.

1999-2002-ci illərdə həmin mərkəzdə ümumi cərrahiyyə üzrə aspirantura təhsili alıb.

2009-2010-cu illərdə ixtisasını Avstriyanın Vyana Tibb Universitetində ümumi, laparoskopik və orqan nəqli üzrə Fellowship diplomuna yiyələnib.

2015-ci ildə Rusiyada Moskva Kliniki Elmi Mərkəzində "Onkologiya" ixtisası üzrə hazırlıq keçib, həmçinin həmin il akademik M.Topçubaşov adına Respublika Elmi Cərrahiyyə Mərkəzində cərrahiyyə üzrə doktorantura təhsili alıb.

İş təcrübəsi:

1999-2002-ci illərdə akademik M.Topçubaşov adına Respublika Elmi Cərrahiyyə Mərkəzində fəaliyyət göstərib.

2002-ci ildən etibarən Mərkəzi Klinikada ümumi cərrah kimi çalışır.

Z.Xəlilovun iştirak etdiyi ixtisasartırma kursları:

2003-cü il - Türkiyənin Bursa şəhərində Uludağ Universitetində ümumi cərrahiyyə və travma cərrahiyyəsi kursu

2011-ci il - Travma və Təxirəsalınmaz cərrahiyyə kursu

2013-cü il - Gülhane Hərbi Tibb Akademiyasında Laparoskopik Kolorektal cərrahiyyə kursu

2013-cü il - Akdeniz Universitetində orqan transplantasiyası kursu

2014-cü il - Fransanın Strazburq. RCAD, Bariatrik və Metabolik Cərrahiyyə kursu

2015-ci il - Moskva Kliniki Elmi Mərkəzində Laparoskopik Kolorektal cərrahiyyə kursu

2017-ci ildən Avstriyanın Saltsburq şəhərində Travma və Təxirəsalınmaz cərrahiyyə kursu

Qeyd edək ki, Zaur Xəlilov Azərbaycan Cərrahlar Cəmiyyətinin üzvüdür. O, ingilis, rus və türk dillərini bilir.

Hazırda Mərkəzi Klinikada şöbə müdiri və cərrah kimi fəaliyyətini davam etdirir.

Zaur Xəlilov Azərbaycan Respublikasında səhiyyə sahəsində səmərəli fəaliyyətlərinə görə Prezident İlham Əliyevin 17 İyun 2022-ci il tarixində imzaladığı sərəncamı ilə "Azərbaycan Respublikasının Əməkdar həkimi" fəxri adına layiq görülüb./Bakupost.az

]]> xeber Fri, 01 May 2026 13:27:44 +0300 https://xeberim.info.az/sehiyye/28909-tbb-in-icra-direktoruna-mavin-tyin-olunub.html https://xeberim.info.az/sehiyye/28909-tbb-in-icra-direktoruna-mavin-tyin-olunub.html ]]>

Tibbi Ərazi Bölmələrini İdarəetmə Birliyinin (TƏBİB) icraçı direktoruna Hüseynov Rahim Mahir oğlu müavin olaraq təyin edilib.

Bu barədə TƏBİB-dən məlumat verilib.

Məlumat üçün qeyd edək ki. R.Hüseynov idarəetmə və menecment sahəsi üzrə ali təhsil alıb, Azərbaycan Dövlət Neft və Sənaye Universitetində menecment ixtisası üzrə magistratura təhsilini fərqlənmə diplomu ilə başa vurub, eyni zamanda Türkiyədə İstanbul Dövlət Universitetində Beynəlxalq İdarəetmə (MBA) proqramını tamamlayıb.

Əmək fəaliyyətinə 2011-ci ildə başlayan Rahim Hüseynov 10 ilə yaxın müddətdə özəl sektorda müxtəlif rəhbər vəzifələrdə çalışaraq idarəetmə və biznes proseslərinin təşkili sahəsində geniş təcrübə qazanmışdır.

2021–2025-ci illərdə Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyində Daxili nəzarət, audit, monitorinq və təhlil departamentinin rəhbəri vəzifəsində fəaliyyət göstərmişdir.

2025-ci ildən etibarən Dövlət Tibbi-Sosial Ekspertiza və Reabilitasiya Agentliyinin İdarə Heyəti sədrinin müavini vəzifəsində çalışıb.

O, 2024-cü ildən Azərbaycan Auditorlar Palatasının üzvüdür.

]]> xeber Fri, 01 May 2026 09:46:14 +0300 https://xeberim.info.az/sehiyye/28843-bakda-kimlr-risk-qrupundadr-hkimlrdn-xbrdarlq.html https://xeberim.info.az/sehiyye/28843-bakda-kimlr-risk-qrupundadr-hkimlrdn-xbrdarlq.html ]]>

Son günlər Bakıda küləkli hava şəraiti müşahidə olunur. Temperaturun enməsi ilə müşayiət edilən güclü külək paytaxt sakinlərinin gündəlik həyatına təsirsiz ötüşmür. Xüsusilə səhər və axşam saatlarında dəyişkən hava şəraiti müşahidə olunur.

“Küləklər şəhəri”ndə bu cür hava adi qarşılansa da, mütəxəssislər bildirirlər ki, güclü külək və temperatur dəyişkənliyi bəzi insanlarda narahatlıqlara səbəb ola bilər.

Bəs küləkli hava insan orqanizminə necə təsir edir və belə günlərdə kimlər daha diqqətli olmalıdır?

Mövzu ilə bağlı “Yeni Sabah”a danışan həkim-allerqoloq Şahvələd Məmmədov deyib ki, güclü külək meteohəssas insanların səhhətində problemləri artıra bilər:

“Hazırda yaz fəslini yaşasaq da, hava şəraitinin bəzən iqlim normalarına uyğun olmadığını həm Bakıda, həm də bölgələrdə müşahidə edirik.

Küləkli havanın insan orqanizminə təsirinə gəlincə, bu cür hava şəraiti xüsusilə meteohəssas insanlar üçün müəyyən narahatlıq yarada bilər. Arterial hipertenziyadan, ürək-damar xəstəliklərindən əziyyət çəkən şəxslər, eləcə də allergiyası olan insanlar belə havalarda daha diqqətli olmalıdırlar.

Çünki güclü külək bitki tozcuqlarının və toz hissəciklərinin havada daha geniş yayılmasına səbəb olur. Bu isə allergiyası olan şəxslərdə xəstəliyin kəskinləşməsinə gətirib çıxara bilər”.

Tibb elmləri doktoru, professor Adil Qeybulla isə qeyd edib ki, küləkli havada qorunmamaq yuxarı tənəffüs yollarını həssaslaşdırır və infeksiyalara yoluxma riskini artırır:

“Son günlər müşahidə olunan küləkli hava temperaturun enməsi ilə müşayiət olunur. Belə havalarda gündüz saatlarında nisbi istilik olsa da, geyim formasını düzgün seçməyən insanlar soyuqlaya bilirlər. Son vaxtlar burun axması, soyuqdəymə və öskürək kimi halların artması da bununla əlaqələndirilə bilər. Bu səbəbdən insanlar daha diqqətli olmalıdırlar.

Bəzən insanlar müəyyən səbəblərdən küləkli havada uzun müddət açıq havada qalmalı olurlar. Bu isə onların səhhətinə mənfi təsir göstərə bilər. Ona görə də hər gün hava proqnozuna diqqət etmək, havaya uyğun geyinmək və ehtiyac olduqda əlavə üst geyimi götürmək məqsədəuyğundur. İlk növbədə geyim forması mövcud hava şəraitinə və situasiyaya uyğun seçilməlidir. Bu, çox vacib məsələdir.

Çox vaxt başı açıq halda soyuq və küləkli havada qalmaq yuxarı tənəffüs yollarında müxtəlif virus və infeksiyaların fəallaşmasına səbəb olur. Nəticədə insan qripə və digər respirator infeksiyalara daha asan yoluxa bilir. Soyuq hava immun sistemini zəiflədə bilər və bu zaman soyuqdəymə halları daha tez-tez baş qaldırır”.

]]> xeber Tue, 28 Apr 2026 15:30:23 +0300