Eltun Süleymanov: “Səbrimizin sınağa çəkilməsi sonda Ermənistan üçün yaxşı nəticə verməyəcəkdir”

“Ermənistanın bölgədə "humanitar vəziyyətin pisləşməsi" və "davam edən blokada" ilə bağlı əsassız iddialarla əlaqədar BMT Təhlükəsizlik Şurasına müraciət etməsi onu göstərir ki, bu işğalçı dövlət yenə də ağalarının təhriki ilə opdla oynamaqda davam edir. 30 il ərzində Azərbaycan torpaqlarını işğal altında saxlayan, müqəddəs məkanları donuz damına çevirib vəhşiliklər törədən, nəhayət 44 günlük müharibədə başı əzilən erməni faşizmi yenə də məkrli oyunların mərkəzi fiqurantına, daha doğrusu kuklasına çevrilmişdir. Hər vəchlə sülh sazişini uzatmağa çalışan, gündə bir havaya oynayan ermənilər idi də “humanitar böhran” bəhanəsi ilə bölgədə ekspansionist siyasətlərini davam etdirməyə cəhd göstərirlər.
Təəssüf ki, Ermənistanın bu iddialarına dünya gücləri, beynəlxalq təşkilatlar lazmı reaksiya vermirlər. İkili standartlar qalmaqda davam edir.Yenə də 30 il ərzində öz qətnamələrini Ermənistana icra etdirə bilməyən BMT ikili standartlar məngənəsinə düşməkdə, bölgədə sülh prosesinə ciddi zərbə vurulmaqdadır. Nədir ki, bir ovuc erməni separatist qüvvələrinin bölgəyə gizli silah-sursat daşımasına əngəl törədilib və bu da bir çoxlarıın, o cümlədən Rusiya və Fransanın xoşuna gəlməyib.”

Bu sözləri aia.az-a verdiyi açıqlamada Nəsimi RİH-nin yanında İctimai Şuranın sədr müavini Eltun Süleymanov deyib.

Müsahibimz əlavə edib ki, “BMT-nin İnsan Hüquqları Şurasının bəzi xüsusi məruzəçilərinin və müstəqil ekspertinin guya Azərbaycan tərəfindən Laçın yolunun blokadada saxlandığı və “Dağlıq Qarabağ” bölgəsində “gərgin humanitar vəziyyət” yarandığı barədə bəyanatı da bu “məhəbbətin” təzahürüdür və haqlı olaraq ölkəmiz tərəfindən sərt reaksiya ilə qarşılanmışdır haqlı olaraq Azərbaycan Respublikası Xarici İşlər Nazirliyi bəyanatında bu vəziyyətə kəskin qiymət vermiş, bu prosesi sülhə maneə kimi qiymətləndirmişdir.Bəyanatda qeyd edilmişdir ki, 30 ildə Azərbaycan ərazilərinin işğalına, 1 milyona yaxın qaçqın və məcburi köçkünün insan hüquqlarının pozulmasına, son üç il ərzində Azərbaycan ərazilərində erməni silahlı qüvvələrinin mövcudluğuna, məcburi köçkünlərin öz evlərinə geri qayıtmasına maneçilik törədilməsinə göz yuman BMT xüsusi məruzəçilərinin və ekspertlərinin Ermənistanın manipulyasiyalarına aldanıb qərəzli bəyanatlar vermələri narahatlıq doğurur. Bununla yanaşı, həmin şəxslərin Azərbaycanın suverenliyi və ərazi bütövlüyünə hörmət etməyərək bəyanatda “Dağlıq Qarabağ” kimi ifadələr işlətmələri, ölkəmizin daxili işlərinə qarışmaq cəhdləri və ikili yanaşmalar tətbiq etmələri qəbuledilməzdir. Bu mühüm məqamı xüsusi qeyd etməliyik ki, bölgədə davamlı sülhün və təhlükəsizliyin təmin edilməsi, Ermənistanla münasibətlərində yeni səhifənin açılması məqsədilə ölkəmizin təklif etdiyi sülh müqaviləsinin imzalanması istiqamətində aparılan danışıqlarda, sülh müqaviləsinin imzalanması ilə bağlı Avropa İttifaqı Şurasının Prezidenti Şarl Mişelin, Rusiya və ABŞ-ın təşəbbüsləri ilə keçirilən görüşlərdə belə “Dağlıq Qarabağ”, “ATƏT-in Minsk qrupu” ifadələri işlədilmir. Artıq Azərbaycanda “Dağlıq Qarabağ” adlı inzibati ərazi vahidi yoxdur. Buna görə də beynəlxalq təşkilatlar, o cümlədən BMT-nin ekspert və xüsusi məruzəçiləri də Azərbaycanın suverenliyinə və Konstitusiyasına hörmətlə yanaşmalıdırlar. Dövlətimizin başçısı tarixi Zəfərimizdən sonra ilk olaraq bu çağırışı etdi ki, Qarabağ münaqişəsi artıq tarixə qovuşub, “Dağlıq Qarabağ” adlı inzibati ərazi vahidi yoxdur. Bu bəyanatı Prezident İlham Əliyev 2021-ci ildə BMT Baş Assambleyasının 76-cı sessiyasında ümumi müzakirələr çərçivəsində çıxışında da səsləndirmişdir.”

Eltun Süleymanov sonda qeyd etmişdir ki, “Ermənistan müstəqil dövlət olmadığını, onun-bunun əlində oyuncaq olduğunu bir daha son davranışları ilə sərgiləmiş oldu. Azərbaycanın suverenliyinə yenidən hansısa yolla təcavüzü davam etdirməklə bölgədə və regionda sülh prosesinə əngəl törədən Ermənistan rəhbərliyinin təlxəkliyi həm gülüş, həm də qəzəb doğurur. Bir ölkənin suveren ərazisində həyata keçirdiyi siyasətə zorla müdaxiləyə bundan başqa ad tapmaq mümkün deyildir.Bu bizim, necə deyərlər, ermənilərdən gözlədiyimiz haldır və təəccüblənmirik. Təəccüblü odur ki. Onların bu həyasızlığına dünya gücləri ən yaxşı halda susur, pis halda isə dolayı yolla haqq qazandırmağa cəhd göstərirlər.
Azərbaycan müharibə, savaş tərəfdarı deyil və bölgənin yenidən hərbi poliqona çevrilməməsi üçün əlindən gələni edir. Azərbaycan sülh təşəbbüsündəki səmimiyyətini istər Vaşinqton, istər son Brüssel görüşündə də aydın şəkildə nümayiş etdirdi. Hətta Avrasiya İqtisadi İttifaqının (Aİİ) 3 gün əvvəl Moskvada keçirilən sammitinə də qonaq qismində qatılan Azərbaycanın məqsədi məhz Ermənistan baş naziri ilə növbəti dəfə burada üçtərəfli formatda görüşüb, sülh istiqamətində həlledici addımlar atılması ilə bağlı idi. Amma gördük ki, Ermənistan tərəfi yekun sülhün imzalanmaması üçün bu dəfə də həm həm diplomatik masada, həm də şərti sərhəddə vəziyyəti gərginləşdirmək məqsədi ilə təxribatyönlü qərarları ilə diqqət çəkdilər. Müxtəlif bəhanələrlə sülh müqaviləsini imzalamaqdan qaçmağa cəhd edən Ermənistanın bu siyasətinin səbəbi onun müstəqil siyasət yürüdə bilməməsidir. Onun-bunun ətəyindən tutmaqda, ayaqlarını yalamaqda kifayət qədər təcrübəli olan ermənilər hələ də yeni ətəklər, yeni ayaqlar axtarışındadır.
Amma Ermənistan da, arxalandıqları qüvvələr də birmənalı olaraq başa düşməlidirlər ki. Azərbaycan öz suveren hüquqlarını kimin sə nazına qurban verməyəcəkdir. Ermənistandan fərqli olaraq Azərbaycanda xalq və hakimiyyət bu məsələdə yekdildir. Lazım gəldiyi təqdirdə onların cavabı sərt şəkildə veriləcəkdir. Hadisələrin gedişi göstərir ki, səbrimizin sınağa çəkilməsi sonda Ermənistan üçün yaxşı nəticə verməyəcəkdir.”

Tarix: 15-08-2023, 09:24 Oxunub: 133