Tariximizdə yeni səhifə yazıldı

27 sentyabr 2020-ci ildə Azərbaycan xalqı, dövləti və ordusu elə bir tarix yazdı ki, bu, bütöv bir millətin ləyaqət rəmzinə, milli qeyrət nümunəsinə çevrildi. Prezident, Müzəffər Ali Baş Komandan İlham Əliyevin ətrafında sıx birləşən Azərbaycan xalqı 30 illik torpaq həsrətinə 44 günə son qoydu. Tariximizdə yeni səhifə yazıldı. 30 illik münaqişəni 44 günə sona çatdıran bu qısa müharibə dünya hərb tarixinə də misli görünməmiş savaş kimi düşdü. 44 günlük haqq savaşımız Azərbaycan tarixinə qızıl hərflərlə əbədi yazıldı. 44 gün sürən hərbi əməliyyatlar nəticəsində müzəffər Azərbaycan Ordusu Cəbrayıl, Füzuli, Zəngilan, Qubadlı şəhərlərini, Azərbaycan xalqının tarixində, mədəniyyətində və qəlbində xüsusi yeri olan, Qarabağın tacı sayılan Şuşa şəhərini, Zəngilan rayonunun Mincivan, Ağbənd, Bartaz qəsəbələrini, Xocavənd rayonunun Hadrut qəsəbəsini və bir çox kəndlərini, Tərtər rayonunun Suqovuşan kəndi, Xocalı və Laçın rayonlarının bir neçə kəndləri daxil olmaqla, ümumilikdə, 300-dən çox yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad etmişdir. Əlbətdə ölkəmizin bu tarixi nailiyyəti təsadüfi xarakter daşımır və ötən müddət ərzində həm ordu quruculuğu sahəsində, həm diplomatiya cəbhəsində görülən işlərin, eyni zamanda beynəlxalq informasiya müstəvisində Azərbaycan reallıqlarının sistemli və məqsədyönlü şəkildə təbliğinin nəticəsidir. O da xüsusilə vurğulanmalıdır ki, Azərbaycanın bu qürurverici və əzəmətli qələbəsinin müəllifi xalqımızın ulu öndəri Heydər Əliyevin layiqli davamçısı ölkə Prezidenti, Ali Baş Komandan cənab İlham Əliyevdir. 30 il ərzində erməni vəhşilyinin qurbanı olan İşğaldan azad edilən şəhərlərimizdə, kəndlərimizdə quruculuq abadlıq işləri aparılır.
Qarabağ yenidən canlanır, bu torpaqların həqiqi sakinləri öz ata baba yurduna qayıdır. Yeni yollar , məktəblər, xəstəxanalar, istirahət mərkəzləri, inşa edilir. Bu gün o şəhərlər içərisində Qarabağ xanı tərəfindən yaradılmış tarixi Azərbaycan şəhəri olan Xankəndi də var. Xankəndi XVIII əsrdə salınmışdır. 1991-ci ildə erməni silahlı birləşmələri tərəfindən işğal olunmuş və seperatizmin mərkəzinə çevrilmişdir. 2020-ci il 10 noyabr bəyannaməsinə görə rusiya sülhməramlı qüvvələrinin nəzarətinə keçmişdir. 2023 cü il 19-20 sentyabr tarixli hərbi əməliyyatlar nəticısində Azərbaycan ordusu tərəfindən azad edilmişdir. Üç ay ərzində sürətli quruculuq işləri aparılmışdır . Xandəndi stadionu yenidən qurulmuşdur. Bu gün biz çox qürurluyuq. Xankəndimizdə bu gözəl tarixi şəhərimizdə milli futbol kamandalarımız final mərhələsinin oyununu keçirir. Cənab Ali Baş Komandan İlham Əliyev öz çıxışında bildirdiki qalib hansı komandanın olmasından asılı olmayaraq ümumilikdə zəfər Azərbaycan xalqınındır. Yaşasın Ali baş komandan! Yaşasın Milli Ordumuz!
Yaşasan şanlı Azərbaycan!
Qarabağ Azərbaycandır!
Xankəndi Azərbaycandır!

Sabunçu qəsəbəsi, 170 nömrəli tam orta məktəbin
tarix müəllimi Məmmədova Aludə

Tarix: 22-12-2023, 11:55 Oxunub: 66