AŞPA-da müzakirəyə çıxarılan məsələlər Azərbaycana qarşı düşmən niyyətinin daha bir təzahürüdür

Azərbaycanla Avropa Şurası arasında əlaqələrin tarixi 1992-ci ildən başlamışdır. 2000-ci ildə AŞPA-nın növbəti sessiyası keçirilmişdir; 126 nəfər deputatın iştirak etdiyi səsvermədə 120 nəfər lehinə, 1 nəfər əleyhinə, 5 nəfər isə bitərəf qalmaqla Azərbaycan Respublikasının Avropa Şurasının tamhüquqlu üzvlüyünə qəbul edilməsinə dair müsbət rəy verilmişdir. 17 yanvar 2001-ci ildə AŞ Nazirlər Komitəsinin nümayəndələr səviyyəsində keçirilmiş iclasında Azərbaycan Respublikasının Avropa Şurasına tamhüquqlu üzv qəbul edilməsinə dair qərar qəbul edilmişdir. Ulu öndər Heydər Əliyev 25 yanvar 2001-ci ildə Strasburqda Avropa Şurası Parlament Assambleyasındakı tarixi çıxışında qurumla ölkəmiz arasındakı qarşılıqlı münasibətlərin əsas istiqamətlərini müəyyənləşdirdi. 2001-2003-cü illərdə AŞPA-da Azərbaycanı təmsil edən nümayəndə heyətinin rəhbəri cənab İlham Əliyevin təşəbbüskarlığı və diplomatik fəallığı nəticəsində elə ilk sessiyadan etibarən Ermənistan-Azərbaycan, Dağlıq Qarabağ münaqişəsinə dair həqiqətləri özündə əks etdirən sənədlər yayılmağa başladı.
AŞPA-nın hazırda Azərbaycana qarşı yürütdüyü düşmənçilik siyasəti ümumavropa strukturlarının ölkəmizlə bağlı apardığı siyasətin tərkib hissəsidir.Bu, onların Azərbaycana qarşı yeni təzyiq niyyətindən xəbər verir. Görünən odur ki, ölkəmizin Vətən müharibəsində və ondan sonrakı dövrdə əldə etdiyi nailiyyətlər kimlərisə razı salmır. Azərbaycanın öz ərazi bütövlüyünü təmin etməsi, işğalçı qoşunları ölkədən çıxarması və separtizm ocağını birdəfəlik söndürməsi Avropada qısqanclıq yaradır. Üstəlik, Avropa strukturları Azərbaycanın suverenliyinin tam bərpasını həzm edə bilmir və öz mənafeləri üçün müəyyən təhlükələr görür". Ona görə də artıq Avropa strukturları aqressivləşirlər. Onlar, Azərbaycanın müstəqil siyasət yeritməsi və bunun lazımi nəticə verməsindən məmnun deyillər. Azərbaycanın güclənməsi isə Qərbdəki müəyyən qüvvələrin planlarına uyğun deyil.
AŞPA-da müzakirəyə çıxarılan məsələlər Azərbaycana qarşı düşmən niyyətinin daha bir təzahürüdür. Bu gün Azərbaycan nümayəndə heyəti Avropa Şurası Parlament Assambleyası ilə əməkdaşlığı və təşkilatda iştirakını qeyri-müəyyən müddətə dayandırmaq qərarına gəlib, nümayəndə heyəti bununla bağlı bəyanat verib. Bu qərar AŞPA-da Azərbaycan nümayəndə heyəti üzvlərinin etimadnamələrinin qəbul edilməməsi barədə avropalı deputatların çağırışlarından sonra verilib. Assambleya rəsmi Bakının öz üzərinə götürdüyü “əsas öhdəlikləri” yerinə yetirmədiyi qənaətinə gəlib və bu barədə qətnamə qəbul edib. Assambleya rəsmi Bakının öz üzərinə götürdüyü “əsas öhdəlikləri” yerinə yetirmədiyi qənaətinə gəlib və bu barədə qətnamə qəbul edib. Qətnamədə deyilir ki, rəsmi Bakı ölkədə pluralist demokratiya və qanunun aliliyi, eləcə də fundamental insan hüquq və azadlıqlarına hörmətlə bağlı öhdəlik götürsə də, bu müddət ərzində bu tələbləri həyata keçirməyib. undan əlavə, sənəddə qurum Dağlıq Qarabağla bağlı, xüsusilə də Laçın dəhlizindən sərbəst və təhlükəsiz keçidin təmin olunması, Dağlıq Qarabağdakı humanitar vəziyyətə dair qətnamələrin yerinə yetirilməməsindən və yüz mindən çox erməni əhalinin bölgəni tərk etməsi ilə nəticələnən ötən ilin sentyabrında baş vermiş hərbi əməliyyatlardan narahatlıq keçirdiyini diqqətə çatdırıb. Qətnamənin qəbul edilməsindən bir neçə saat əvvəl Azərbaycan nümayəndə heyəti Avropa Şurası Parlament Assambleyası ilə əməkdaşlığı və təşkilatda iştirakını "qeyri-müəyyən müddətə dayandırmaq" qərarına gəldiyini açıqlayıb. Azərbaycanlı deputatlar verdikləri qərarı qurumda Azərbaycanla bağlı irəli sürülən qətnamənin ölkəyə qarşı “qarayaxma kampaniyası” olması ilə əlaqələndiriblər. Milli Məclisin AŞPA-dakı təmsilçiləri bildiriblər ki, Azərbaycan müstəqil olduğu dövrdən bugünədək ölkədə insan haqlarının müdafiəsi və qanunun aliliyinin təmin edilməsi istiqamətində “böyük irəliləyişlərə” nail olub. Azərbaycanlı parlamentarilər AŞPA-nı beynəlxalq hüququ “selektiv şərh etməkdə, eləcə də dövlətlərin ərazi bütövlüyü və suverenliyi ilə bağlı məsələlərdə “fərqli yanaşma” nümayiş etdirməkdə günahlandırıb.
Təəssüf ki, AŞPA-dan bəzi üzv dövlətləri hədəfə almaq üçün platforma kimi istifadə olunur. Müəyyən qərəzli qruplar AŞPA-nın əsas prinsiplərindən öz dar maraqlarının təmini məqsədilə sui-istifadə edirlər. AŞPA-da mövcud olan dözülməz irqçilik, Azərbaycanofobiya və İslamofobiya mühiti fonunda Azərbaycan nümayəndə heyəti AŞPA ilə əməkdaşlığı və təşkilatda iştirakını qeyri-müəyyən müddətə dayandırmaq qərarına gəlib, - bəyanatda bildirilir.
AŞPA Azərbaycan nümayəndə heyətinin etimadnamələrini mübahisələndirilməsi təşəbbüsünü irəli sürərkən guya bunu 7 fevralda Azərbaycanda keçiriləcək seçkiləri müşayiət etməyə dəvət edilməməsi, ölkədə “siyasi məhbus”ların olması ilə əlaqələndirsə də, əsas səbəbin Qarabağın azad olunması, suverenliyin tam bərpa edilməsi faktı ilə barışa bilməmələri, Ermənistana hər vasitə ilə dəstək olmaq siyasətindən irəli gəlir.

Maştağa qəsəbəsi, 293№ tam orta məktəbin
tarix müəllimi Aytən Musayeva

Tarix: 26-01-2024, 09:31 Oxunub: 146