XEYIRXAHLIQ ƏSL ZİYALILIQDIR

Arxalıya arxa durma deməsinlər yamaqdı,
Arxalıya arxa dur ki, desinlər ki, dayaqdı.
Yazıma Azərbaycanın görkəmli ilk xalq şairi Səməd Vurğunun belə bir dəyərli aforizmi ilə başlamağım heç də təsadüfi deyil.
Müdrik bir kəlamda deyildiyi kimi insan dünyaya gələrkən onun ruhu və zəkası bəyaz lövhənin əksinə bənzəyir. Böyüyüb, yetkinləşərək, kamala çatdıqca aldığı elm onun mənəviyyatına ziya saçır. Ziyalılar üstün təbəqənin nümayəndələridir.
Zaman keçdikcə həyat dəyişir, insan şüuru sürətlə zirvələrə doğru yol açır. Yurdumuz, vətənimiz yetirdiyi xeyirxah, ziyalı insanların nurunda inkişafa doğru irəlilədikcə biz yazarlar ilham alır, onların həyat və fəaliyyətini işıqlandırmaq arzusunu reallığa çeviririk.
Elə mən də bir yazar olaraq yazımın əsas qəhrəmanının şərəfli ömür yolunu işıqlandırmaq, xayirxah əməllərini qələmə almaq kimi arzumu reallaşdırmaq məqsədilə yola çıxdım.
Haqqında qələmə alacağım insan da arxasıza dayaq duran, sözün həqiqi mənasında imkansızlara qol-qanad olan, əsil ziyalı ömrü yaşayan Sabunçu Rayon Pirşağı Bələdiyyəsinin sədri Əfsanə Etibar qızı Rəhimovadır.
Savadlı, bacarıqlı,işində bir çox uğurlar qazanmaq üçün böyük potensiala malik olan, elinə, obasına bağlı olub, xalqı, torpağı ilə nəfəs alan, öz işinin öhdəsindən layiqincə gələn, daha böyük nailiyyətlər əldə etmək məqsədilə öz bilik və bacarığını sərf edən Əfsanə xanım Rəhimova üçün ən böyük vəzifə insanların rahat, firavan yaşayışı, əmin-amanlığıdır.Onun üçün insan amili hər şeydən öndədir. O, təkcə rəhbər deyil,eyni zamanda rəhbərlik etdiyi kollektivin mənəvi atasıdır. O, Böyük Allahın yaratdıqlarına hörmətlə yanaşır. Bu cür görən,bu cür düşünən insandan pislik gözlənilməz.
Yazımın əsas qəhrəmanı Əfsanə xanım Rəhimova əsil Allah adamıdır.Həqiqətən insanlığın ali zirvəsinə ucalmaq hər kəsə nəsib olmur. Atalar demiş,xoşbəxt o insandır ki,Allah dünyasından yox, axirətindən pay ayırır. Əfsanə Rəhimova bu cür xüsusiyyətlərə malik bir insandır, desəm, yanılmaram. Bəli, həqiqətən də alicənab,əsil vətənpərvər xanımdır Əfsanə xanım.O, insanlara həm mənəvi,həm də maddi dayaqdır. Onun saysız hesabsız xeyirxahlıqları insanlar tərəfindən minnətdarlıq hissi ilə qarşılanır. Həyatda da məhz belə insanlar ucalır. İnsanlara dayaq olmaq Tanrı buyruğudur. Əfsanə xanım Rəhimova Tanrı səltənətinə ucalmış bir insan olmaqla, həm də doğulub boya-başa çatdığı el-oba üçün əziz, dəyərlidir.
Haqqında bəhs etdiyim insanı tanıyanlar onun haqqında deyirlər: ağıllıdır, təvazökardır, sadə və təmkinlidir, əsil Allah adamıdır, sözü ilə əməli bir olan insandır. Eyni zamanda xeyirxahdır.
Sabunçu Rayon Pirşağı Bələdiyyəsinin sədri Əfsanə Etibar qızı Rəhimova nəinki işçi kollektivinə, eyni zamanda ona müraciət edən hər kəsə,o cümlədən şəhid ailələrinə, qazilərə bacardığı köməyi edir, onlardan heç bir dəstəyini əsirgəmir.
Mən də son olaraq xeyirxah əməl sahibi olan, insani keyfiyyətləri ilə çoxlarından fərqlənən bu dəyərli insana, Əfsanə xanım Rəhimovaya Uca Tanrıdan cansağlığı, uzun ömür, ailə səadəti diləyir, Azərbaycan Respublikasının prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında göstərdiyi fəaliyyətində uğurlar arzulayıram.
Xeyirxahlıq hər zaman başınızın tacı olsun, Əfsanə xanım!

Tarix: 19-12-2023, 13:59 Oxunub: 196