44 günlük müharibə Cənab Prezidentimizin, Şəhidlərimizin, Qazilərimizin, Müzəffər Ordumuzun sayəsində qalibiyyətlə nəticələndi

Hər bir prosesin başlanğıcı vardır, lakin həmin prosesin uğurla başa çatması onun məhz uğurlu başlanğıcı ilə bağlıdır. Bu xüsusda 3 oktyabr 1993-cü ildə ümumxalq səsverməsi ilə yüksək səslə Azərbaycan Respublikasının Prezidenti seçilən Heydər Əliyevi xatırlamaq, onun başladığı prosesin təməl prinsiplərinə nəzər salmaq mütləqdir. Ulu öndərimiz elə bir çətin vəziyyətdə hakimiyyətə gəldi ki, sözün həqiqi mənasında xalqımızı yalnız elə Ulu Öndərimizin özü xilas edə bilərdi. Bu barədə dəfələrlə məqalələrlə çıxış edib təfsilatı ilə fikirlər səsləndirmişəm. Yenə də bir məqamı qeyd etməyi özümə borc bilirəm ki, 1994-cü ildə Ali Baş Komandan Heydər Əliyevin başçılığı altında keçirilən əks hücum-Horadiz əməliyyatı geriyə qayıdışın başlanğıcı və eyni zamanda prosesin baçlanğıcı, həm də yol xəritəsi oldu. Bu qalibiyyət döyüşü düşmənə biz qayıdacağıq mesajını verdi və düşmən atəşkəs imzalamağa məcbur oldu. Bu atəşkəs bizə də lazım idi, ordumuzu möhkəmləndirmək, müasir standartlara uyğunlaşdırmaq, ölkə iqdisadiyyatını yüksəltmək, xarici siyasət kursunu dəyişmək və daha onlarla belə tədbirlər. Təbii ki, o dövr üçün bunları etmək elə də asan deyildi, amma Ulu Öndərimizin dəmir iradəsi qarşısında hər şey uğurla həllini tapırdı.
Cənab Prezidentimiz İlham Əliyev 20 illik hakimiyyət dövründə hər bir detalı zərgər dəqiqliyi ilə incələdi, hesabladı, prosesin uğurla başa çatması üçün, itkilərimizin minimuma enməsi üçün, ən döğru və qətiyyətli addımları atdı.
Ulu Öndərimizin arzum budur sizinlə birlikdə gedək Şuşaya fikri bəs edirdi ki, proses nə qədər həm çətin, həm də məsuliyyətlidir. Amma belə məqamlarda çətinliyi aradan qaldıran yeganə amil xalqla hakimiyyətin bərabər, birlikdə addımlaması və vəhdətidir. Xalqımız daima öz liderinə inandı və daima onun yanında oldu. 44 günlük Vətən savaşında biz bu birliyin maksimum nöqtəsini gördük, bu nöqtəni indi həm də bütün dünya görür. 44 günlük müharibə Cənab Prezidentimizin, Şəhidlərimizin, Qazilərimizin, Müzəffər Ordumuzun sayəsində qalibiyyətlə nəticələndi. Bu qalibiyyət nəticəsində həm Prezidentimiz Müzəffər Prezident kimi, həm də xalqımız Müzəffər Xalq kimi tarixin şanlı səhifəsinə düşdü. Bundan sonra xalqımız qalib xalq kimi dünyada daima başını uca tutdu və daima uca tutacaq. 44 günlük müharibə bizə qalibiyyət qazandırmaqla bərabər düşməni də rəzil gününə qoydu, onları fərari ordusu kimi tarixin arxivinə atdı.
Lakin, görünən bu idi ki, hələ də ermənilər içərisində revanşist qüvvələr var və onlar heç də 44 günlük müharibədən nəticə çıxartmayıblar. Təbii ki, belə məqamlar Müzəffər Ali Baş Komandanımızın diqqətində idi və dəfələrlə öz çıxışlarında düşmənə ən düzgün yolu göstərərək silahı yerə qoymağı tövsiyyə edirdi. Laçın keçid məntəqəsinin qurulması müharibədən sonra ən uğurlu addımlardan biri sayılır hansı ki, həm bu , həm də 44 günlük müharibədən sonra bayrağımız sancılan bütün hakim yüksəkliklər məhz bayrağımızın Xankəndidə dalğalanacağının mesajı idi. Nəhayət, 44 günlük qələbəmizdən sonra 2023-cü ilin 19 sentyabrında başlanan və cəmi 23 saat davam edən antiterror əməliyyatı bir daha Cənab Prezidentimizin dili ilə desək, sözümüz imzamız qədər keçərlidir fikrini tamamladı. Mən həmişə rəqəmlərin magiyasına inamışam və həm antiterror həm də 44 günlük müharibə tariximizə nəzər salsaq, çoxlu belə faktlarla qarşılaşa bilərik.
Prezidentimizin məhz Xocalıda, Əsgəranda, Ağdərədə həmçinin Xankəndidə bayrağımızı qaldırması, xalqımıza 44 günlük qələbə sevinci qədər sevinc yaşatdı və bu sevinc daima xalqımızın qəlbində yaşayacaq. Müzəffər Prezidentimizin Xankəndidə keçirilən hərbi paraddakı çıxışı böyük imperiyaların Azərbaycan torpaqlarında apardıqları mənfur siyasətin alt-üst olmasının sübutu idi.
Allah Şəhidlərimizə rəhmət etsin, Qazilərimizə şəfa versin. Yaşasın Müzəffər Ali Baş Komandan, Yaşasın Müzəffər Ordumuz.

Sabunçu qəsəbəsi, 215 nömrəli tam orta məktəbin direktoru Cavad Mustafayev

Tarix: 13-11-2023, 12:53 Oxunub: 34