Ölkəmiz coğrafi baxımdan çox əlverişli və faydalı bir hissədədir

“Bizim müharibəmiz azadlıq müharibəsidir” deyə Cənab prezident İlham Əliyev Qarabağ universitetinə səfəri çıxışında vurğulamışdır. Bəli bütün dünya bilirdi ki, Azərbaycan öz torpaqlarının azadlığı uğrunda mübarizə aparıb.İstər siyasi anlamda, istərsə də döyüş zonasında. Bu danılmaz faktdır ki, Azərbaycan xalqı qalib xalqdır. Bu yenilməz qələbəmiz ölkə başçımız cənab İlham Əliyevin güclü siyasəti və ordumuzun iradəsi, səbri sayəsində baş verdi. Dünyanın bir çox yerində torpağı işğal olunan ərazilər var ki, bu ölkələr bizim nümunələrimizdən bəhrələnməlidirlər. Ölkəmiz coğrafi baxımdan çox əlverişli və faydalı bir hissədədir. Azərbaycanın təbii ehtiyatları, tükənməz sərvətə malik təbiəti, bir çox siyasi strateji ölkələrlə sərhəd olması hər dönəmdə ölkəmizin başının ağramasına səbəb olmuşdur. İllər əvvəl azğın düşmən bir zamanlar bizim onları torpaqlarımıza məskunlaşdığını unudub, həyasızcasına işağala başladı.Lakin bu gün artıq XXI - əsrdə qarşısında güclü siyasətə malik prezident, güclü, dözümlü və cəsarətli ordu ilə üz – üzə durdu. Azərbaycan xalqı azadlıq mübarizəsindən heç vxt əl çəkmədi. Ən çətin zamanlarımızda belə Ulu öndər Heydər Əliyev kimi liderimiz oldu və Ulu öndər bizə hər ana ayaq üstə dik durmağı,əzmlə mübarizə aparmağı, düşmənin gözünün içinə dik baxmağı öyrətdi. Ulu öndər Heydər Əliyevin sayəsində xalqımız çətin zamanlarda özünü itirmədi və Ulu öndərin parlaq fikirlərinə, güclü siyasətinə arxalanaraq irəli addımladı. Biz Ulu öndərimizdən güc, qüvvət aldıq və bu həmin gücdür ki, ayağa qalxıb bizə qarşı çıxan azğın düşmənin nəyinki cavabını verdik, hətta torpaqlarımızı düşmən taptağından azad etdik. Və nəticədə bu gün Azərbaycan torpaqlarına geri dönəcək.Bu həmin inam idi ki, biz ayağa qalxıb bir dəmir yumruq altında birləşdik.İndi artıq cənab prezident İlham Əliyevinn uğurlu siyasəti sayəsində həm xarici, həm də daxili siyasət baxımıdan Azərbaycan irəli gedir və inkişafda olan, yenilikləri axtaran ölkədir. Artıq bu faktdır ki, bir zamanlar Qarabağ ərazisini Azərbaycan ərzisi hesab etməyən ölkələr bunu qəbul etməyə məcburdurlar
20 sentyabr tarixində cənab prezident İlham Əliyevin Qarbağ universitetinə səfəri və univerisitetdəki çıxışı buna sübutdur. Artıq işğaldan azad olunmuş ərazilərdə həyat çiçəklənir, yenidən qurma işləri aparılır. Bir neçə müəssisə, yaşayış mənzilləri, məktəblər, hava limanı və s belə lazımlı işlər görülüb. Sentyabr 16 -sı Xankəndi şəhərində N.Gəncəvi adına məktəbin, Xocalı şəhəri 1 nömrəli tam orta məktəbin, Şuşa şəhəri 1 nömrəli tam orta məktəbin, Laçın rayonu Sus kənd tam orta məktəbin açılışları oldu. Bu hadisələ ölkə başçımız cənab İlham Əliyevin işğaldan azad olunmuş torpaqlara göstərdiyi diqqət və qayğının təcəssümüdür. Təhsilimizin vəziyyəti istər texniki, istərsə də kadr baxımından günü- gündən daha da yaxşılaşır. Təhsilimizə olan diqqət və qayğı Ulu öndər Heydər Əliyevin də hər zaman diqqətində saxladığı sahələrdən biri idi.Bir ölkənin irəliləməsi güclü təhsili, dayanıqlı, güclü iqtisadiyyatı və güclü, səbirli, dözümlü ordusu ilə ola bilər.Bu sahələr ölkə başçımız cənab İlham Əliyevin hər zaman diqqət mərkəzində saxladığı sahələrdəndir.
Cənab prezident İlham Əliyevin dediyi kimi: “Müəllimlər uşaqların, gənclərin biliklərini artırmaq, eyni zamanda, onların vətənpərvərlik ruhunda tərbiyəsi üçün fəal və səmərəli işləyirlər.Heç vaxt Qarabağı görməyən gənclər Qarabağ uğrunda ölümə gedirdilər, ölümə getməyə hazır idilər, şəhid oldular, yaralandılar.”
Bu gənclərin qəlbi Qarabağ eşqi, sevdası ilə dolu idi. Onlar bir an tərəddüd etmədən cəbhəyə yazılırdı.Bu da təsadüfü deyil ki, neçə - neç savadlı gənclərimiz bu il Qarabağ universitetini seçmiş və ali təhsilə başlamışlar. Gənclərimizin torpaq, vətən sevgisi tükənməzdir.
Ulu öndər Heydər Əliyev 1969-cu il hakimiyyətə gələn kimi ölkədə bir sabitlik, sakitlik, əmin-amanlıq yarandı. Bütün ölkəni daxildən sarsıtmaq istəyən qüvvələr məhv edildi. Və budur bu güclü siyasətin sayəsində Ulu öndər Heydər Əliyevin uğurlu davamçısı Cənab prezident İlham Əliyevin tutduğu yol, apardığı siyasət Azərbaycanı çox irəli aparacaq. Və cənab prezident İlham Əliyevinn dediyi kimi : “2023 -cü il 1 il öncə Azərbaycan Ordusu öz suverenliyini tam bərpa etmişdir. Antiterror əməliyyatı nəticəsində seperatçıların kökü kəsildi və Azərbaycan suverenliyini tam təmin etdi.”
Və bu siyasətə nəzər yetirsək görərik ki, hər bir görülən iş məntiqi olaraq bir – birinə bağlıdı və bir- birinə xidmət edir. Belə ki, Azərbaycan bir ölkə olaraq öz strategiyaları ilə yerləşdiyi coğrafiyada ölkələri özünə cəlb edə bilmiş və hətta bizi ölkələrinə nümnə edənlər də var.Bütün bunlar “İlhamla irəli” şüarımızın sayəsindədir. Azərbaycan cənab prezidentimiz İlham Əliyevin dəfələrlə düşünülmüş,hər addımı Azərbaycanı irəli aparacaq güclü taktika və siyasəti, güclü məğlubedilməz ordusu sayəsində hələ çox irəli gedəcək. Və Qarabağ guşəsi dünyanın gözəl diyarlarından birinə çevriləcək, ölkəmizin adı ən güclü ölkələr sırasında çəkiləcəkdir.

Maştağa qəsəbəsi, 209 nömrəli tam orta məktəbin
ibtidai - sinif müəllimi Könül Həsənova

Tarix: 23-09-2024, 10:39 Oxunub: 49