Son günlər bəzi şəxslər tərəfindən Ramin müəllimə qarşı əsassız və həqiqətə uyğun olmayan ittihamlar səsləndirilir. Xüsusilə Suraxanı rayonu, Yeni Ramana qəsəbəsi, Samir Əliyev 19 ünvanında inşa edilən obyektlə bağlı yayılan fikirlər tamamilə yanlış və məqsədli şəkildə formalaşdırılıb. Bu cür əsassız ittihamlar həm Ramin müəllimin nüfuzuna xələl gətirmək, həm də cəmiyyətdə çaşqınlıq yaratmaq məqsədi daşıyır.

Qeyd etmək istəyirik ki, Ramin müəllim həm qazimiz kimi, həm də vətənpərvər şəxs kimi daim şəhid ailələri və qazilərimizin yanında olmuş, onların sosial vəziyyətinin yaxşılaşdırılması üçün əvəzsiz fəaliyyət göstərmişdir. Onun göstərdiyi maddi və mənəvi dəstək, şəhid ailələrinin və qazilərimizin ehtiyaclarının qarşılanmasına yönələn təşəbbüsləri cəmiyyət tərəfindən yüksək qiymətləndirilir və dövlət tərəfindən də dəstəklənir. Ramin müəllim xeyirxah və humanist fəaliyyəti ilə bir çox insanların həyatında müsbət dəyişikliklər yaradıb, sosial məsələlərin həllinə öz töhfəsini verib.

Biz inanırıq ki, hər bir vətəndaş olaraq qarşılıqlı hörmət və anlayış əsasında bir-birimizi dəstəkləməli, dövlətimizin və millətimizin rifahı üçün birgə çalışmalıyıq. Ramin müəllim kimi şəxslərin fəaliyyəti də məhz bu məqsədə xidmət edir və onların əməlləri ilə bağlı düzgün qiymətləndirmələrə üstünlük vermək vacibdir.