Heydər Əliyev azadlıq aşiqi, xalqının vurğunu idi

Dövlət sözü siyasi,tarixi, lüğəvi mənada müxtəlif cür anlam daşıyan bir sözdür. Hər kəs onu öz nöqteyi nəzərindən mənalandıra bilər. Amma inanmıram ki, tarix səhifəsində H.Əliyevdən başqa ikinci bir şəxs dövlət, xalq,müstəqillik sözlərinin məna yükünü öz qəlbi ilə belə dərindən hiss edib sözləri ilə onlara belə fəlsəfi məzmun qatsın, xalqın mənəvi varlığına, şüuruna yaddaşına, ürəyinə əbədi olaraq həkk etsin.
Heydər Əliyev üçün dövlət demək-azadlıq, istiqlaliyyət demək heç bir dövlətin tərkibində olmadan kiminsə vassalı, müstəmləkəsi olmadan azad yaşamaqdır. Onun fikrincə, istiqlaliyyəti əldə etmək tarixi hadisə kimi nə qədər önəmlidirsə, onu qoruyub-saxlamaq, möhkəmləndirmək bir vəzifə olaraq bizlər üçün daha da önəmli olmalıdır. Azərbaycan xalqının çoxəsrlik döxlətçilik tarixi heç də asan ədə olunmamışdır. Daxili və xarici düşmənlərin Azərbaycanı parçalamaq, məhv etmək niyyətinə qarşı xalqımız həmişə mübarizə aparmışdır. Amma ümummilli liderin bu sözləri həmişə xalqının həyatına işıq saçan bir mayak olmuşdur: "Əgərr indi dövlət müstəqilliyimiz, milli azadlığımız körpə uşağın ilk addımlarına bənzəyirsə, bir neçə ildən sonra dövlətimiz, ölkəmiz, xalqımız iradəli, güclü addımlarla irəliləməli, böyük inamla hərəkət etməlidir. Azərbaycanın müstəqil fövlət olmasaı xalqın azadlığa çıxması tarixi hadisədir və biz bunları qiymətləndirməli, əldə edilmiş nailiyyətləri əbədiləşdirməliyik. Bu istər bizim, istərsə də gələcək nəsillərin qarşısında duran strateji vəzifədir".
Heydər Əliyev azadlıq aşiqi, xalqının vurğunu idi. Elə bir nitqi, elə bir çıxışı yox idi ki, azadlığı təbliğ etmsin. Müstəqillik onun üçün əsl xoşbəxtlik idi. Sitat "Biz dərk etməliyik, anlamalıyıq ki, xoşbəxt bir mərhələyə gəlib çatmışıq. Milli azadlığa nail olmuşuq. Müstəqil dövlətimiz var, azad ölkədə yaşayırıq. Bizim qarşımızda duran əsas məqsəd ,vəzifə Azərbaycanın dövlət müstəqilliyini qoruyub saxlamaq və inkişaf etdirməkdən ibarətdir. Müstəqilliyimizin əldə olunması nə qədər çətin idisə, onun saxlanılması, əbədi olması bundan da çətindir. Müstəqilliyimiz naminə biz hər şeyə dözməliyik, hər əzab-əziyyətə dözməliyik. Hər bir xalq, millət üçün müstəqillikdən qiymətli heç bir şey yoxdur".
Heydər Əliyev həqiqətən dahi şəxsiyyət idi. Onun hər sözü, hər cümləsi bir hikmət dünyası idi. O, çıxışları ilə xalqına güc verirdi. Xalqın qələbəyə olan inamını, əzmini artırırdı. Xalqı öz vəzifəsini unutmağa, itirilmiş ərazilərlə, məğlubiyyətlə barışmağa icazə vermirdi: "Azərbaycanın ərazi bütövlüyü bərpa olunacaqdır, Bu bizim müqəddəs borcumuzdur. əcdadımız qarşısında borcumuz, bugünkü nəsillər qarşısında borcumuz, gələcək nəsillər qarşısında borcumuzdur".
Bəli, o məsuliyyət, inam, sevgi bizi torpaqlarımıza qovuşdurdu. Heydər Əliyevin uzaqgörən siyasəti ilə yanaşı hikmət dünyası bizə ruh verdi, qanad verdi, yollarımıza işıq oldu. Bu gün onun siyasi kursunun davamçısı Ali Baş Komandanımızın və müzəffər ordumuzun sayəsində biz qalib olduq. İnanırıq ki, bu qələbə müstəqilliyimiz kimi əbədi və sarsılmaz olacaqdır.
Sabunçu qəsəbəsi, 311nömrəli tam orta məktəbin
Azərbaycan dili və ədəbiyyat müəllimi Şəfa Seyidova

Tarix: 2-03-2023, 11:36 Oxunub: 63