Ermənilər üçtərəfli bəyanatı kobudcasına pozaraq Laçın yolundan hərbi texnikanın gediş-gəlişi üçün, xarici vətəndaşların qanunsuz səfəri üçün sui-istifadə etdi

Ermənistan tərəfindən 30 il ərzində işğal altında qalmış torpaqlarımızın vəziyyəti bu gün hamıya bəllidir.Ölkəmizin təbiətinə, flora və faunasının ümumilikdə işğal olunmuş ərazilərinə dəymiş ziyanın sayı hesabı yoxdur.Məhz bu günlərdə Azərbaycan vətəndaş cəmiyyətinin nümayəndələrinin və ekologiya fəallarının Şuşa-Laçın yolunda həyata keçirdikləri etiraz aksiyası hal hazıradək mövcud olan vəziyyətin hələ də aradan qaldırılmamasına etirazın təzahürüdür. Lakin bu aksiyanın keçirilməsi dekabrın 10-da sözügedən ərazilərə Azərbaycan nümayəndələrinin səfərinə maneçilik törədildiyi səbəbindən baş vermişdir. Azərbaycan ədalətli ölkədir. Hər bir fikrə, hər bir yaranan hadisəyə düzgün yanaşır.
Azərbaycanlı etirazçılar tərəfindən yolboyu nəqliyyatın hərəkətinin dayandırılması səsləndirilən iddialara tamamilə ziddir. Etirazçılar mülki nəqliyyat vasitələrinin,təcili yardım maşınlarının hərəkətini təmin etməyə hazırdırlar. Eyni zamanda ərazidə yaşayan erməni sakinlərə humanitar sahələrdə ehtiyaclarını təmin etməyə də hazırdılar.
Lakin dekabrın 3-də Azərbaycan tərəfindən Rusiya Sülhməramlı kontingentinin ərazidə faydalı qazıntı yataqlarının qanunsuz istismarı ilə bağlı aparıldığı danışıqlara baxmayaraq Azərbaycan nümayəndələrinin səfərinə maneçilik törədilməsinə nə ad vermək olar?
Ermənilər üçtərəfli bəyanatı kobudcasına pozaraq Laçın yolundan hərbi texnikanın gediş-gəlişi üçün,xarici vətəndaşların qanunsuz səfəri üçün sui-istifadə etdi. Təkcə hələ Vətən müharibəsinin qurtardığı dövrdən bu günə qədər 276 vətəndaş mina partlayışından zərər çəkdi, 35 nəfər mülki şəxs minaya düşərək həlak oldu.
Bəzi ölkələrdən dəstək alan, eyni zamanda Azərbaycan tərəfinin qərəzli olduğunu etiraf edənlərdən faydalanan erməni tərəfi daha da cəsarətlənirlər . Lakin bu gün də onun şahidi oluruq ki, 16 dekabrda növbəti sülhməramlılara məxsus 6 yük maşını və 1 yük avtomobili Xankəndindən Laçın istiqamətinə keçib. Bir daha sübut olundu ki, dinc aksiya iştirakçıları nəqliyyat vastələrinin keçməsinə hər hansı bir maneə törətmirlər.
Azərbaycan vətəndaş cəmiyyətinin nümayəndələrinin və ekologiya fəallarının Şuşa-Laçın yolunda həyata keçirdiyi etiraz aksiyası Azərbaycan ictimaiyyətinin haqlı narazılığının göstəricisidir və vətəndaş cəmiyyətinin bu mövqeyinə hörmətlə yanaşmalıdırlar. Bu aksiya bir daha ölkəmizdə vətəndaş cəmiyyətinin mövcudluğunun bariz nümunəsidir.
Ermənistan tərəfi Azərbaycanın suverenliyinə və ərazi bütövlüyünə qarşı bəyanat və iddialarına son qoymalıdır.

Ramana qəsəbəsi, 198 №-li tam orta məktəbin müəllimi Ruhiyyə Qurbanova

Tarix: 17-12-2022, 10:13 Oxunub: 40